پورتال ارقىلى اليمەنتتەرك بويىنشا مىڭعا جۋىق بورىشكەر تابىلدى

استانا. قازاقپارات - بالالاردىڭ قۇقىقتارىن قورعاۋ - پروكۋراتۋرا ورگاندارىنىڭ جانە ونىڭ جۇيەسىنە كىرەتىن باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى جۇمىسىنىڭ اسا ماڭىزدى باعىتتارىنىڭ ءبىرى.

سوندىقتان، وسىنداي بورىشكەرلەردى ىزدەۋدىڭ تيىمدىلىگىن جانە ولاردىڭ قۇقىقتىق جاۋاپتىلىعىن ارتتىرۋ ماقساتىندا، 2015 -جىلدان باستاپ باس پروكۋراتۋرانىڭ كوميتەتى زاڭنامالىق دەڭگەيدە ولاردى تەگى بويىنشا ەسەپكە الۋدى جۇرگىزە باستادى جانە www.pravstat.prokuror.kz ينتەرنەت سايتىنىڭ جەلىسىندە «بالالارى ولاردى ىزدەۋدە» ارنايى اقپاراتتىق پورتالىن اشتى.

«پورتالدا سوتتىڭ ىزدەۋىندەگى اليمەنت بويىنشا بارلىق بورىشكەرلەر تۋرالى دەرەكتەر، ىزدەۋ جۇرگىزۋشى ورگان جانە كەزەكشى ءبولىم تەلەفوندارى تۋرالى مالىمەتتەر ورنالاستىرىلعان. ىزدەۋ ءۇشىن كوميتەت سايتىنىڭ «بالالارى ولاردى ىزدەۋدە» بولىمىندە تەكسەرىلەتىن ادامنىڭ تەگىن، اتىن، اكەسىنىڭ اتىن، تۋعان كۇنىن ەنگىزۋ جەتكىلىكتى. ىزدەۋدىڭ بۇل ءادىسىن قولدانۋدىڭ تيىمدىلىگى تۋرالى دەرەكتەردەن كورەمىز: 2015 -جىلدىڭ 5 ايىندا اليمەنت تولەۋدەن جاسىرىنىپ جۇرگەن 278 اتا- انانىڭ ورنالاسقان جەرى انىقتالسا، 2016 -جىلدىڭ سايكەس كەزەڭىندە 648 بورىشكەر انىقتالدى»، - دەلىنگەن كوميتەت مالىمەتىندە.

قازىرگى ۋاقىتتا پورتالدا اليمەنتتەردى تولەمەگەنى ءۇشىن 583 ادامدى ىزدەۋ تۋرالى مالىمەتتەر جيناقتالعان، ولاردى ىزدەستىرۋگە بۇكىل قوعام بولىپ اتسالىسۋعا بولادى.

2015 -جىلى Economist ايگىلى بريتان باسپاسى جاريالاعان الەمدىك ستاتيستيكا دەرەكتەرىنە قاراعاندا، قازاقستان نەكە سانى بويىنشا مىڭ ادامعا 9,7 كورسەتكىشىمەن 9-ورىندى يەلەنگەن. سونىمەن قاتار، وكىنىشكە قاراي، قازاقستان اجىراسۋلار كورسەتكىشى بويىنشا دا مىڭ ادامعا ەسەپتەگەندە 2,7 كورسەتكىشىن قۇراپ وتىر.

اۆتور: رۋسلان عابباسوۆ