ينفراقۇرىلىمدى دامىتۋ - ترانزيتتىك ءوسىم مەن كولىك دالىزدەرىنىڭ دامۋىنا ىقپال ەتەدى - ا. مامين
قازاقستاندا مەملەكەتتىك تۇرعىدا ەۋرازيالىق لوگيستيكالىق حاب جاساۋعاڭ جانە ترانزيتتىك الەۋەتتى بارىنشا دامىتۋعا زور ماڭىز بەرىلىپ وتىر.
بۇل تۋرالى «قازاقستان تەمىر جولى» ۇ ك» ا ق پرەزيدەنتى اسقار مامين «سوچيدەگى ««ستراتەگيالىق سەرىكتەستىك 1520» XI حالىقارالىق تەمىر جول بيزنەس- فورۋمىندا ءمالىم ەتتى، دەپ حابارلادى كومپانيانىڭ باسپا ءسوز قىزمەتى.
قازاقستاندا وسى ستراتەگيالىق جوسپارلارعا وراي ءتيىستى ءبىرقاتار مەملەكەتتىك باعدارلامالار قابىلداندى: «نۇرلى جول»، ۇلتتىڭ 100 قادامى ارقىلى قازاقستان اۋماعىمەن ترانزيتتىك تاسىمال كولەمىن 2020 -جىلدارعا قاراي ەكى ەسەگە ارتتىرۋعا تاپسىرما بەرىلىپ وتىر.
ەلىمىزدە قازىرگى تاڭدا تەمىر جولدىڭ بارىنشا وڭتايلى قىتاي- ەۋروپا، سولتۇستىك- وڭتۇستىك جانە ترانسكاسپيي باعدارىمەن عالامدىق ساپالى ءارى ءتيىمدى لوگيستيكالىق تىزبەككە قوساتىن باعىتتارىن جاساقتادى. سوڭعى التى جىلدا 1700 شاقىرىم جاڭا تەمىر جول جەلىسى ىسكە قوسىلدى. كاسپيدە قازاقستاندىق مۇمكىندىكتى جىلىنا 16,5 ميلليون توننادان 25 ميلليون تونناعا دەيىن جۇك وتكىزۋگە جەتكىزۋگە كۇش سالىنۋدا.
ول ءۇشىن اقتاۋ پورتى كەڭەيتىلىپ، قۇرىق پاروم كەشەنى قۇرىلىسى جۇرگىزىلۋدە. ەل ىشىندە جانە شەتەلدەردە دە قازاقستان ارقىلى ترانزيتتىك جۇك اعىندارىن كۇشەيتۋ ماقساتىندا، جۇكتەردى شوعىرلاندىرۋ مەن ديستريبۋتسيالىق ۇيلەستىرۋ ورتالىقتارى جاساقتالۋدا. كومپانيانىڭ قىتايدىڭ ليانيۋنگان پورتىندا تەرمينالدىق ينفراقۇرىلىمى بار. پارسى شىعاناعىندا جوبا جۇزەگە اسىرىلىپ جاتىر. يراندا ينچەبۋرۋندا قۇرعاق پورتى جانە بالتىق جاعالاۋىندا جوبالار باستالۋدا.
«جاڭا لوگيستيكالىق ينفراقۇرىلىم قازاقستاننىڭ باسقا مەملەكەتتەرمەن ىقپالداسۋىن قامتاماسىز ەتىپ قانا قويمايدى. سونىمەن قاتار 1520 جولتابانى ەلدەرى قىتاي، ەۋروپا، يران جانە پارسى شىعاناعى ەلدەرى اراسىنداعى تەڭىز باعدارىمەن باسەكەلەستىكتى ارتتىرىپ، ترانسقۇرلىقتىق باعدارلاردىڭ دامۋىنا جول اشادى. ءبىزدىڭ جوسپارىمىز 2020 -جىلدارى قىتاي- ەۋروپا- قىتاي باعدارىنداعى ترانزيتتىك جۇك اعىنىن 16 ەسەگە ارتتىرىپ، قازىرگى 47,4 مىڭ ج ف ە- دان 800 مىڭ جفە- عا جەتكىزۋدى جوسپارلاپ وتىرمىز»، - دەدى ا. مامين.
ونىڭ ايتۋىنشا، قازاقستاننىڭ ماقساتى 2020 -جىلدارى لوگيستيكالىق قىزمەتى بارىنشا دامىعان 40 ەلدىڭ قاتارىنا كىرۋ بولماق.
