استانادا «سابانتوي» مەرەكەسى تويلانۋدا - فوتو
قوعامدىق بىرلەستىك بۇل شارانى قازاقستان تاۋەلسىزدىگىنىڭ 25 جىلدىعىنا ارناپ وتىر.
ءداستۇرلى مەرەكە كوپتەگەن تۇركى حالىقتارىنىڭ ەڭ ماڭىزدى وقيعالار كۇنتىزبەسىنە كىرەدى. شارا قالامىزدا تۇراتىن ءتۇرلى ۇلت پەن ءدىن وكىلدەرىنىڭ بىرىگۋىنە جول اشادى. ءداستۇر بويىنشا بۇل مەرەكەنى جيىن- تەرىم كوپ بولسىن دەگەن ىرىممەن تويلاعان.
«بۇل كوكتەمگى ەگىن ەگۋ ناۋقانىنىڭ اياقتالۋىنا وراي جاسالاتىن ۇلان- اسىر توي، سونداي-اق قازىرگى تاڭدا ماڭىزى زور مەرەكەگە اينالدى. ياعني ەگىن ەگىپ، كوڭىلىن جايلاعان اعايىننىڭ كول- كوسىر قۋانىشىن بىلدىرەدى. بۇگىنگى تاڭدا بۇل مەيرام كەڭىنەن تويلانىپ كەلەدى»، - دەيدى شارانى ۇيىمداستىرۋشىلار.
بۇل مەرەكە ەرتە زامانداردا پايدا بولعان. اۋىل ادامدارى كوشەگە شىعىپ، تاماقپەن ءبولىسىپ، ءبي بيلەپ، كۇرەسىپ، ءبىر- ءبىرىن ءىس تىگۋگە ۇيرەتكەن. سابانتويدا بارلىق ەلوردا تۇرعىندارى مەن قوناقتارى ءۇشىن كونتسەرتتىك باعدارلاما ۇسىنىلدى.
كەلۋشىلەرگە تاتار جانە باشقۇرت حالقىنىڭ ۇلتتىق تاعامدارى ۇسىنىلادى، بايقاۋلار مەن ءداستۇرلى ويىندار، سپورتتىق جارىستار («كوراش» - بەلدىك كۇرەس، «ارقان تارتىش» - ارقان تارتۋ) وتكىزىلەدى. ال بالالار ارنايى ويىن الاڭىندا ۇيىمداستىرىلاتىن قىزىقتى شارالارعا قاتىسادى.
اۆتور: رۋسلان عابباسوۆ
