الەمدەگى ەڭ كونە وركەنيەت بەلگىلى بولدى

استانا. قازاقپارات - ءۇندىستاننىڭ گەوفيزيكتەرى مەن ارحەولوگتارى ءۇندى وركەنيەتى الەمدەگى ەڭ كونە وركەنيەت بولۋى مۇمكىن دەگەن كۋالىكتەر ۇسىندى.

زەرتتەۋ Scientific Reports جۋرنالىندا جاريالانعان، ول تۋرالى Daily Mail دا قىسقاشا حابارلاپ وتىر. بۇل تۋرالى لەنتا. ر ۋ جازادى.

عالىمداردىڭ جاڭا جۇمىسىنا سايكەس، ءۇندى وركەنيەتى بۇرىن ەسەپتەلگەندەي، 5,5 مىڭ جىل ۋاقىت بۇرىن ەمەس، ودان 2,5 جىل ەرتە پايدا بولعان. مامانداردىڭ تۇجىرىمدارى راستالعان جاعدايدا، بۇل ونى مەسوپوتاميا جانە كونە مىسىردىڭ جوعارى دامىعان مەملەكەتتەرىنەن دە كونە ەتەدى.

عالىمدار ءۇندى وركەنيەتىنىڭ جاسىن ءۇندىستاننىڭ فاتەحاباد وكرۋگىنەن تابىلعان سول وركەنيەتتەگى جاساندى زاتتاردى (كۇيىكتاس ۇلگىلەرى مەن ەكى ارحەولوگيالىق قابات جانۋارلارى سۇيەكتەرى) راديوكومىرتەكتى جانە وپتيكالىق مەرزىمدەۋدەن كەيىن جاڭارتا الدى. ماماندار ءوز مالىمەتتەرىن قايتا تەكسەرمەك.

ءۇندى (حاراپپ) وركەنيەتى يند وزەنىنىڭ اڭعارىندا تىرشىلىك ەتكەن. ونىڭ قالالارىندا كارىز بەن قوعامدىق دارەتحانالار، ال كەنتتەرىندە - جەر سۋلاندىراتىن جۇيەلەر بولدى. ءۇندى وركەنيەتى ءبىزدىڭ داۋىرىمىزگە دەيىنگى XVII عاسىرعا قاراي قۇلدىراعان. ونىڭ سەبەپتەردىڭ ءبىرى رەتىندە قازىرگى يراندىقتار مەن ۇندىلىكتەر اتا- بابالارىنىڭ بۇل ولكەگە باسىپ كىرۋى اتالادى.