ەدۆارد سنوۋدەن جاپوندىقتاردى جاپپاي اڭدۋ تۋرالى ەسكەرتتى

استانا. قازاقپارات - ا ق ش ۇلتتىق قاۋىپسىزدىك اگەنتتىگىنىڭ (ۇ ق ا) بۇرىنعى قىزمەتكەرى ەدۆارد سنوۋدەن جاپونيا تۇرعىندارىن وسى ەلدەگى ءاربىر تۇرعىننىڭ ا ق ش ۇكىمەتىنىڭ باستاماسى بويىنشا اڭدۋ نىسانى بولعانى جونىندە ەسكەرتتى.

Japan Times گازەتىنىڭ ەلەكتروندىق نۇسقاسىنىڭ سەنبى كۇنى كەشكە تاراتقان حابارلاماسىنا سايكەس، ول توكيودا قاۋىپسىزدىك ماسەلەلەرىنە ارنالعان سيمپوزيۋم كەزىندە بەينەبايلانىس بويىنشا ءسوز سويلەدى، دەپ جازادى تاسس.

«ءاربىر ادامنىڭ قالتاسىنداعى ءاربىر ۇيالى تەلەفون، ول قوسىلىپ تۇرعاندا، «مەن مۇندامىن، مەن مۇندامىن» دەپ ءان ايتىپ تۇرادى»، - دەپ جازادى ونىڭ سوزدەرىن جەرگىلىكتى ب ا ق.

جاپوندىق قوعامنىڭ الدىندا تۇرعان قاۋىپسىزدىك تۋرالى ايتا كەلە، سنوۋدەن 2014 -جىلى كۇشىنە ەنگەن مەملەكەتتىك قۇپيا تۋرالى زاڭدى اتاپ ءوتتى. ونىڭ پىكىرىنشە، ول «دەموكراتيا ءۇشىن قاۋىپتى» بولىپ تابىلادى.

«مەملەكەت شەكتەن اسىپ كەتكەن جاعدايدا تەكسەرىس جۇرگىزۋگە مۇمكىندىك بەرەتىن جۇيە قاجەت»، - دەپ قوسىپ ءوتتى ول.