ارىقتاۋدىڭ ەڭ ءتيىمدى التى جولى

نۇر- سۇلتان. قازاقپارات - ديەتا ۇستاۋعا جىگەرىڭىز جەتپەدى مە؟ سپورتزالعا بارۋعا دا ۋاقىت تاپپاي وتىرساڭىز، جاعاجاي ماۋسىمىنا تومەندەگى تاسىلدەرمەن دايىندالىڭىز.

ارىقتاۋدىڭ التى جولى سىزگە پايداسىن تيگىزەدى، دەپ جازادى anabol.kz.

1. سپيرتتى سۋسىنداردان باس تارتىڭىز! 1 ليتر تازا سپيرتتە (%96) 7000 ككال بار. 100 گرام شاراپتا 56-70 ككال بولادى. ال ونىڭ ءبىر بوكالىندا، ياعني 250 گرامدا 140-170 ككال بار دەگەن ءسوز. وسىنداي ۇساق- تۇيەكتەردى سانايتىن بولساڭىز، ارتىق مايدىڭ قايدان پايدا بولعانىنا وڭاي كوز جەتكىزەسىز.

2. جاياۋ كوبىرەك ءجۇرىڭىز! ونىڭ اسەرى مول. بۇل ءوز كەزەگىندە ارنايى ارىقتاۋ جاتتىعۋلارىمەن اينالىسقانمەن تەڭ.

3. تاتتىگە تابەتىڭىز اشىلسا، ەت جەڭىز! مايلىلىعى از سۇزبە، تاۋىق پەن بالىق ەتى ءتاتتىنى ۇمىتۋعا كومەكتەسەدى.

4. ءجيى قوزعالىستا بولىڭىز! اسىرەسە، كەڭسەدە كۇن ۇزاق وتىراتىندار ءۇشىن بۇل ەرەجەنى بۇلجىتپاي ورىنداۋ ماڭىزدى. ءار ساعات سايىن كەمىندە ءبىر رەت كومپيۋتەر الدىنان تۇرىپ، 5-10 مينۋت ءجۇرىپ كەلىڭىز. قوزعالىسسىز وتىرعاننان گورى تۇرعاندا، اسىرەسە، قوزعالىپ، ارى- بەرى جۇرگەندە بويداعى مايدىڭ ەرۋى جىلدام بولادى.

5. «ءبىر قاسىق» ەرەجەسىن ۇستانىڭىز! تاماق ىشكەندە تاباعىڭىزدىڭ تۇبىنە ءبىر قاسىق استى جەمەي قالدىرىپ وتىرىڭىز. ءبىر قاراساڭ، ءبىر- اق قاسىق. ال نەگىزىندە ءسىز تاباقتىڭ تۇبىندە سول ءبىر قاسىق تاماقتى قالدىرماساڭىز، تاعى ەكىنشى تاباق ىشۋگە تابەتىڭىز دە اشىلىپ كەتۋى مۇمكىن ەمەس پە؟!

6. جەگىڭىز كەلسە، سۋ ءىشىڭىز! تاماققا تابەتىڭىز اشىلا قالسا، بىردەن ءبىر ستاكان سۋ ءىشىپ الىڭىز. بۇل ءتاسىلدىڭ كومەگى مول. سونداي-اق كۇنىنە 1,5 ليتردەي سۋ ءىشۋ كەرەكتىگىن ەسىڭىزدەن شىعارماڭىز.

وسى كەڭەستەرگە قۇلاق ءتۇرىپ، ورىنداي جۇرسەڭىز، ەش ديەتاسىز- اق ارتىق سالماقتان ارىلا الاسىز!