07:57, 06 - ماۋسىم 2016 | GMT +5
قىتاي حالىق ۋنيۆەرسيتەتى قازاقستاندىق ج و و- لارمەن ىنتىماقتاستىققا نيەتتى
بەيجىڭ. قازاقپارات - 3 -ماۋسىم كۇنى ق ر- دىڭ ق ح ر- داعى ەلشىسى شاحرات نۇرىشەۆ قىتاي حالىق ۋنيۆەرسيتەتى پارتيا كوميتەتىنىڭ حاتشىسى جين نومەن كەزدەسىپ، «جىبەك جولى ەكونوميكالىق بەلدەۋى باستاماسى اياسىنداعى قازاقستاندىق- قىتايلىق قارىم- قاتىناستار» تاقىرىبىندا ءدارىس وتكىزدى.
كەزدەسۋ بارىسىندا ءبىلىم سالاسىنداعى ەكىجاقتى ىنتىماقتاستىق ماسەلەسى تالقىلاندى. قىتاي حالىق ۋنيۆەرسيتەتى جانە ق ر ءبىلىم جانە عىلىم مينيسترلىگى، ل. ن. گۋميلەۆ اتىنداعى ە ۇ ۋ، نازاربايەۆ ۋنيۆەرسيتەتى اراسىنداعى 2016 -جىلدىڭ 24-27 -مامىرى كۇندەرى قىتاي دەلەگاتسياسىنىڭ قازاقستانعا ساپارى اياسىندا قول جەتكىزىلگەن كەلىسىمدەردى جۇزەگە اسىرۋ ماسەلەسى قارالدى.
جين نو ءوز كەزەگىندە قىسقا مەرزىمدىك وقىتۋ باعدارلامالارى اياسىندا ستۋدەنتتەر الماسۋ سالاسىندا قازاقستاندىق ج و و- لارمەن ىنتىماقتاستىقتى ارتتىرۋعا ءۇمىتتى ەكەنىن جەتكىزدى.
ەسكە سالا كەتەيىك، قىتايدا 11 مىڭنان استام قازاقستاندىق ستۋدەنت ءبىىم الىپ جاتىر. ونىڭ 21 ى قىتاي حالىق ۋنيۆەرسيتەتىندە باكالاۆريات جانە ماگيستراتۋرا باعدارلامالارى بويىنشا ءبىلىم الىپ جاتىر.
