الماتىداعى قيسايعان كوپقاباتتى تۇرعىن ءۇي ءسۇرىلىپ، ورنىنا جاڭا ءۇي تۇرعىزىلادى
بۇل تۋرالى الماتىدا وتكەن بريفينگ بارىسىندا الماتى قالاسى اكىمىنىڭ ورىنباسارى سۇلتانبەك ماكەجانوۆ ءمالىم ەتتى.
«قۇرىلىس بارىسىندا ءبىرقاتار كەمشىلىكتەرگە جول بەرىلگەن. مىسالى، تۇرعىن ءۇي ورنالاسقان جەردىڭ ۇستىڭگى قاباتى جەتكىلىكتى نىعىزدالماعان. سونىڭ سالدارىنان ول ءۇيدىڭ اۋىرلىعىنان شوككەن»، - دەدى ول.
ارنايى قۇرىلعان كوميسسيانىڭ شەشىمى بويىنشا وسى قۇرىلىستىڭ باس مەردىگەرى - «ن س ك استانا قۇرىلىس» اق ەسكى ءۇيدى ءسۇرىپ تاستاپ، ورنىنا جاڭا تۇرعىن ءۇي تۇرعىزادى.
ايت كەتەلىك، 72 پاتەرلىك كوپقاباتتى تۇرعىن ءۇي 2014 - جىلى 12 - جەلتوقساندا پايدالانۋعا بەرىلگەن بولاتىن. قۇرىلىستىڭ باس مەردىگەرى «ن س ك استانا قۇرىلىس» ا ق- ى، جوباسىن جاساعان «ارحسپەتس ستروي پروەكت» ج ش س. ءۇي «قولجەتىمدى باسپانا -2020» باعدارلاماسى بويىنشا كەزەكتە تۇرعاندارعا بەرىلگەن. ءۇيدىڭ قۇرىلىسى رەسپۋبليكالىق بيۋدجەتتەن قارجىلاندىرىلدى.
تۇرعىن ءۇي باتىس جاعىنان 32 مەترلىك بيىكتىگىندەگى بەلگىسىنەن 32 سانتيمەترگە اۋىتقىپ كەتكەن. وسى ۇيدە تۇراتىن 200 تۇرعىن ازىرگە قوناقۇيلەرگە قۇرىلىستى جۇرگىزۋشى ەسەبىنەن ورنالاستىرىلدى.
الماتى قالاسى اكىمىنىڭ تاپسىرماسىمەن قۇرىلعان ارنايى كوميسسيا وسى اۋدانداعى بارلىق تۇرعىن ۇيلەردى تەكسەرۋدەن وتكىزەتىن بولادى.
اۆتور : ايبوتا جاپپاربەرگەن
