ەسىمى اڭىزعا اينالعان بوكسشى مۇحاممەد ءالي قايتىس بولدى

استانا. قازاقپارات - ا ق ش- تا تىنىس الۋ پروبلەمالارىنا بايلانىستى اۋرۋحاناعا جاتقىزىلعان ەسىمى اڭىزعا اينالعان بوكسشى مۇحاممەد ءالي جۇما كۇنى قايتىس بولدى،

 دەپ حابارلايدى NBC News.

74 جاستاعى ءالي سوڭعى بىرنەشە كۇن جاتقان فينيكس اۋرۋحانالارىنىڭ بىرىندە كوز جۇمدى. امەريكاندىق تەلەكومپانياعا سپورتشىنىڭ ءولىمى تۋرالى اقپاراتتى ونىڭ وتباسىنىڭ وكىلى راستادى، دەپ جازادى ر ي ا نوۆوستي.

بريتاندىق Mirror باسىلىمى 3 - ماۋسىمدا 74 جاستاعى امەريكاندىقتىڭ اۋرۋحاناعا تىنىس الۋ پروبلەمالارىنا بايلانىستى جاتقىزىلعانىن حابارلادى. كەيىنىرەك امەريكاندىق فينيكستەگى ەمحانا دارىگەرلەرى ەسىمى اڭىزعا اينالعان بوكسشىنىڭ تۋىستارىنا ونىڭ حالى وتە ناشار ەكەنىن جەتكىزدى. دارىگەرلەر ءاليدى فينيكس اۋرۋحاناسىنان شىعارۋ ماسەلەسىن قاراستىردى، الايدا بۇل پاتسيەنت ءۇشىن اۋىر بولادى دەگەن ۇيعارىمعا كەلدى.