قاراعاندى وبلىسىنىڭ بۇرىنعى اكىمى بۇگىن تۇرمەدەن شىعادى
بۇل تۋرالى «نوۆي ۆەستنيك» اقپارىنا سۇيەنگەن egemen.kz ءتىلشىسى حابارلادى.
«وسى ماسەلەنى قاراعان سوت وتىرىسىنىڭ وتكەنىنە 15 كۇن بولدى»، - دەلىنگەن حابارلامادا.
ايتا كەتۋىمىز كەرەك، باۋىرجان ابدىشيەۆ 2014 -جىلعى 23 - قىركۇيەك كۇنى ۇستالعان بولاتىن. ال 26 - قىركۇيەكتە قاماۋعا الىندى. سول ۋاقىتتان بەرى بۇرىنعى اكىم قۇلىپ استىندا 1 جىل، 8 اي جانە 12 كۇن وتىردى. بۇل ۋاقىتتاردى ول ۋاقىتشا ۇستاۋ وقشاۋلاعىشىندا جانە ۇكىم شىققاننان كەيىن ا ك 159/1 كولونياسىندا وتكىزدى.
قاراعاندى وبلىسىنىڭ ەكس- اكىمىنە قاتىستى ۇكىم 2015 -جىلدىڭ جەلتوقسان ايىندا شىقتى. وعان جەمقورلىق سيپاتىنداعى قىلمىستار جاسادى دەگەن ايىپ تاعىلدى. سونىڭ ىشىندە بيزنەسكە زاڭسىز قاتىسقانى، كاسىپكەرلىككە كەدەرگى كەلتىرگەنى، قىزمەت جاعدايىن اسىرا پايدالانعانى ايتىلدى. سوتتالۋشى مۇنىڭ ءبارىن مويىندادى.
وسى قىلمىستارى ءۇشىن ەكس- اكىمگە دۇنيە- مۇلىكتەرىن تاركىلەپ، جالپى رەجىمدەگى كولونيادا 5 جىل وتىرۋ جازاسى كەسىلدى. ناۋرىز ايىندا اپپەلياتسيالىق القا مۇنى وزگەرتتى. ونىڭ جازاسى 3 جىل تۇرمەدە وتىرۋعا كەمىتىلدى. سوڭىنان مەرزىمىنەن بۇرىن تۇرمەدەن بوساتىپ، جازاسىن شارتتى نەگىزگە الماستىرۋعا شەشىم قابىلداندى.
