04:46, 04 - ماۋسىم 2016 | GMT +5
ءۇش بولمەلى ءنومىرى بار ۇشاققا ءمىنۋ باعاسى قانشا؟
استانا. قازاقپارات - Etihad Airways اۆياكومپانياسى لوندوننان مەلبۋرنعا جانە كەرى باعىتتاعى بيلەت قۇنىن 80,5 مىڭ دوللار دەپ ساتۋعا شىعاردى دەپ جازادى bnews.kz.
اتالعان اۆياكومپانياسىنا تيەسىلى А380-800 ۇشاعىنداعى بيلەت قۇنى الەمدەگى ەڭ قىمبات جول ءجۇرۋ اقىسى بولىپ تابىلادى.
قىرۋار اقشا تۇراتىن بيلەتتى ساتىپ الاتىن جولاۋشىعا ۇشاقتا قىزمەتشىلەرى جانە اسپازدارى بار ءۇش بولمەلى ءنومىر ۇسىنىلادى. وندا ۇلكەن ەكى ورىندىق كەرەۋەت، قوناق بولمە، جۋىناتىن ورىن جانە ەكى تەلەديدار بار.
ايتا كەتەيىك، بۇعان دەيىن نيۋ-يوركتەن مۋمبايعا ۇشىپ بارۋ ەڭ قىمبات اۋە ساپارى سانالعان بولاتىن. ونىڭ قۇنى 75,9 مىڭ دوللار بولدى.
