سيريالىق كىشكەنتاي قىز شاشىمەن ەكى موتوتسيكلدى سۇيرەدى

استانا. قازاقپارات - سيريالىق سەگىز جاسار قىز سپورتتىق شارا كەزىندە داماسك كوشەلەرىنىڭ بىرىندە ۇستىندە جۇرگىزۋشىسى بار ەكى بىردەي موتوسيكلدى شاشىمەن تارتىپ سۇيرەدى.

بۇل تۋرالى قازاقستان جاڭالىقتارى حابارلايدى.

تريۋكتى جاسار الدىندا قىزدىڭ اكەسى ونىڭ شاشتارىنا ارناۋلى ءجىپتى بايلايدى. سوسىن ول موتوسيكلگە جالعاندى.

ادنان يسمايلدىڭ ايتۋىنشا، قىزى 6 جاسىنان بەرى جاتتىعىپ ءجۇر ەكەن. سول كەزدە-اق، ول ءوز قىزىنىڭ ەرەكشە قاسيەتىن بايقاعان.

«مەنىڭ قىزىم 6 جاسقا تولعاندا ونىڭ وتە كۇشتى ەكەنىن بايقادىم دا، دەرەۋ ەكەۋمىز بىرگە جاتتىعا باستادىق. اۋەلى 50 كەلىدەن باستاپ، سوسىن 100، كەيىن ءتىپتى 450 كەلىنى دە كوتەرەتىن بولدى. جاڭا عانا كوردىڭىزدەر، ەكى موتوتسيكلدى دە وڭاي 50 مەتر قاشىقتىققا دەيىن سۇيرەدى»، -  دەيدى اكەسى.

ول وسى جەتىستىكپەن توقتاپ قالعىسى كەلمەيدى. قىزىن الداعى ۋاقىتتا ءارى قاراي دايىنداپ، تاجىريبەسىن جەتىلدىرە تۇسپەك.