اقتوبەلىكتەر ۇلتتىق كيىم مەن ۇلتتىق تاعام دايىنداۋ بويىنشا ۇيىمداستىرىلعان ءبىرىنشى وبلىستىق بايقاۋعا قاتىستى
تاعامدار بايقاۋىندا ايماقتاعى مەيرامحانا، ءدامحانا، وقۋ ورىندارى، اۋداندارداعى تۇرعىندار قازاقتىڭ ۇمىتىلىپ كەتكەن جانە قازىرگى زامانعى تاعام تۇرلەرىن ۇسىندى. بۇل تەك اسىلعان ەت، باۋىرساق، قازى، قارتا عانا ەمەس، قوزىقارىن، مايسوك، قارىنبورتپە، ورمەكتاس، قازانجاپپاي، ۇلپىرشەك سياقتى كونە تاعام تۇرلەرى ازىرلەندى.
ديزاينەرلىك كيىم بايقاۋىندا اقتوبە وبلىسىنىڭ شەبەر ايەلدەرى اجەلەرىنەن قالعان ءداستۇردى جالعاستىرىپ كەلە جاتقانىن كورسەتتى. ءسان كورسەتىلىمىندە ماليكا دۇيسەنبايەۆا، التىنگۇل سۇلتانگەرەيەۆا، اعىلا جانعازيەۆا، اقىلجان جۇماعاليەۆا سياقتى تانىمال جانە قىزمەتىن ەندى باستاپ كەلە جاتقان ديزاينەرلەر، سونداي-اق كوللەدج ستۋدەنتتەرى دە ءوز توپتامالارىن ۇسىندى.
ديزاينەر ماليكا دۇيسەنبايەۆانىڭ «تۇمار» اتتى توپتاماسى بايقاۋدىڭ باس جۇلدەسىن جەڭىپ الدى.
ال، ۇلتتىق اس ءمازىرى بويىنشا وتكەن بايقاۋدا ءبىرىنشى ورىن «اتامەكەن» مەيرامحاناسىنا بەرىلدى.
