الماتىدا اۋە كومپانيالارىنىڭ ءبىرى ەسكى ۇشاعىن مەيىرىمدى جاندارعا تەگىن بەرمەك نيەتتە - فوتو
وندا كومپانيا باسشىلىعىنىڭ ءبىر ۇشاقتى «جاقسى قولعا» تەگىن بەرەتىندىگى جازىلعان.
«دوستار، ءبىزدىڭ تاڭقالارلىق ۇسىنىسىمىز بار! ءبىزدىڭ پاركتە ي ا ك-40 ۇشاعى بار. كەزىندە بۇل ۇشاق تالاي رەت كوككە كوتەرىلدى، وتاندىق اۆياتسياعا قالتقىسىز ەڭبەك ەتتى. ءبىراق، ۇشاقتاردىڭ دا ەڭبەك قىزمەتىنىڭ شەگى بولادى عوي. بورت قىزمەتىن وتەپ بولىپ، ەندى الماتى اۋەجايىنىڭ پاركىنەن ورىن الدى. سوندىقتان، ءبىز قاناتتى دوسىمىزدى مەيىرىمدى جانداردىڭ قولىنا تەگىن تاپسىرۋعا دايىنبىز. تەك ولار ونى يگىلىكتى ىسكە پايدالانسا بولعانى»، - دەلىنگەن حابارلامادا.
سونىمەن قاتار، ۇشاقتىڭ يەلەرى ۇشاقتى العىسى كەلگەندەرگە ونىڭ نە ءۇشىن كەرەك ەكەندىگىن ەگجەي-تەگجەيلى جازۋلارىن سۇرايدى.
«ءبىز ارينە ۇسىنىستاردى جان-جاقتى قاراپ، ىشىنەن ەڭ ۇزدىگىن تاڭدايمىز. ەگەر ۇشاق الەۋمەتتىك جوباعا پايدالانىلار بولسا، قۋانىشىمىزدا شەك بولماس ەدى. مىسالى، ۇشاقتى بالالارعا قۋانا-قۋانا بەرەر ەدىك. ول بالا باقشا ءۇشىن تاماشا اتتراكتسيون ەمەس پە؟» - دەلىنگەن حابارلامادا.
