20:56, 03 - ماۋسىم 2016 | GMT +5
تۇركيا گەرمانياداعى ەلشىسىن شۇعىل شاقىرتىپ الدى
استانا. قازاقپارات - تۇركيا گەرمانياداعى ەلشىسىن كەرى شاقىرىپ الدى دەپ حابارلايدى ورتالىق ازيا جاڭالىقتارى.
بۋندەستاگتا قابىلدانعان رەزوليۋتسيانىڭ سيمۆوليكالىق سيپاتى بار. بەس بەتتىك قۇجاتتا «1915- جانە 1916-جىلدارداعى ارميان جانە حريستياندىق ازشىلىق وكىلدەرىنىڭ گەنوتسيدىن ۇمىتپاۋ كەرەك» دەلىنگەن.
كەيبىر مالىمەتتەرگە قاراعاندا، گەنوتسيدتەن ءبىر جارىم ميلليون ادام قازا تاپقان.
انكارا بەرلينگە رەزوليۋتسيانى قابىلداۋ ەكى ەلدىڭ قاتىناسىنا سىزات تۇسىرەدى دەپ ەسكەرتكەن. اتاپ ايتقاندا، تۇركيا پرەزيدەنتى رەدجەپ ەردوعاننىڭ ءوزى رەزوليۋتسياعا قاتىستى بۋندەستاگ شەشىمى ە و مەن انكارا اراسىنداعى بوسقىندار مەن ميگرانتتار جونىندەگى كەلىسىمگە اسەر ەتەتىنىن مالىمدەگەن.
تۇركيا گەنوتسيد فاكتىسىن مويىندامايدى، ولاردىڭ تۇجىرىمى بويىنشا، جۇزدەگەن ارميان سوعىس كەزىندە قازا تاپقان.
