قازاقستان مەن قىرعىزستان ينتەگراتسيالىق ۇدەرىستەر اياسىندا ىنتىماقتاستىقتى كەڭەيتۋگە دايىن -س ءى م

استانا. قازاقپارات - قازاقستان رەسپۋبليكاسىنىڭ سىرتقى ىستەر ءمينيسترى ەرلان ىدىرىسوۆ ديپلوماتيالىق ميسسياسىنىڭ اياقتالۋىنا بايلانىستى قىرعىز رەسپۋبليكاسىنىڭ قازاقستان رەسپۋبليكاسىنداعى ەلشىسى ەسەنگۋل ومۋراليەۆتى قابىلدادى.

مينيستر قىرعىز ديپلوماتىن قازاقستاندا اتقارعان قىزمەتى بارىسىندا باۋىرلاس ەلدەر اراسىنداعى مەملەكەتارالىق ىنتىماقتاستىقتى نىعايتۋعا قوسقان ۇلەسى ءۇشىن العىس ءبىلدىردى.

تاراپتار ينتەگراتسيالىق ۇدەرىستەردىڭ شەڭبەرىندە قازاقستان مەن قىرعىزستان الدىندا جاڭا جانە ايتارلىقتاي اۋقىمدى مۇمكىندىكتەر اشىلىپ جاتقانى تۋرالى ايتتى.

ە. ومۋراليەۆ سىرتقى ساياسات ۆەدومستۆوسىنا ونىڭ قازاقستاندا اتقارعان قىزمەتى بارىسىندا كورسەتكەن كومەگى مەن قولداۋى ءۇشىن ريزاشىلىعىن ءبىلدىردى.

اۆتور: قانات مامەتقازى ۇلى