ستامبۇلدا بەسىنشى دۇنيەجۇزىلىك تۇركى فورۋمى ءوتىپ جاتىر
فورۋمعا ءتۇرلى تۇركى تىلدەس جانە باسقا دا ەلدەردەن كەلگەن بەلگىلى عالىمدار، ديپلوماتتار مەن قوعام قايراتكەرلەرى قاتىسىپ جاتىر، تۇرك پ ا - وسى ءىس-شارانىڭ ارىپتەستەرىنىڭ ءبىرى.
2- ماۋسىمدا وتكەن اشىلۋ سالتاناتىندا تۇركيا ازيا ستراتەگيالىق زەرتتەۋلەر ورتالىعىنىڭ ءتوراعاسى سۇلەيمان شەنسوي مەن تۇرك پ ا باس حاتشىسى جاندوس اسانوۆ ءسوز سويلەدى.
ءوز سوزىندە ج. اسانوۆ پرەزيدەنت نۇرسۇلتان نازاربايەۆتىڭ باستاماسىمەن دۇنيەگە كەلگەن تۇركى تىلدەس ەلدەردىڭ پارلامەنتتىك اسسامبلەياسى (تۇرك پ ا) تۇركىتىلدەس ەلدەردىڭ اراسىنداعى ارەكەتتەستىكتىڭ شىنايى پارلامەنتتىك ولشەمىنە اينالعانىن اتاپ ءوتتى. اسسامبلەيانىڭ كەيىنگى كەزدەردەگى اتقارىپ جاتقان جۇمىسى جايلى تىڭدارماندارعا اقپار بەرگەن باس حاتشى، تۇرك پ ا- عا مۇشە ءۇش ەلدىڭ ازەربايجاننىڭ، قازاقستاننىڭ جانە قىرعىزستاننىڭ تاۋەلسىزدىگىنىڭ 25 جىلدىق مەرەيتويىمەن قۇتتىقتادى. تۇركى ەلدەرى اراسىندا قارىم-قاتىناستاردىڭ احۋالىنا توقتالا كەلە، ج. اسانوۆ ولاردىڭ ءبىر-بىرلەرىنىڭ تىلدەرى مەن قوعامدارىن زەردەلەۋلەرىنىڭ قاجەت ەكەنىن جانە بۇل ىسكە ەلدەر اراسىنداعى ءوزارا اقپارات اعىنىن كەڭەيتۋدىڭ يگى ىقپال ەتەتىندىگىن ايتتى.
تۇرك پ ا باس حاتشىسى جاندوس اسانوۆ تۇركى تىلدەس ەلدەر اراسىنداعى بايلانىستاردىڭ نىعايۋىنا قوسقان ۇلەسى ءۇشىن تۇركيا ازيا ستراتەگيالىق زەرتتەۋلەر ورتالىعىنىڭ (Turkish Asian Center for Strategic Studies (TASAM) قىزىل الما ديپلومىمەن ماراپاتتالدى.
2- ماۋسىم كۇنى كەشكىسىن تۇرك پ ا باس حاتشىسى بەسىنشى دۇنيەجۇزىلىك تۇركى فورۋمىنا قاتىسۋشىلاردىڭ قۇرمەتىنە قوناقاسىن بەردى.
