ەلوردادا ازاماتتاردىڭ جەڭىلدىكتى ساناتتارىنا ارنالعان اتاۋلى كولىك كارتالارىن تاراتۋ مەرزىمى ۇزارتىلدى
كولىك كارتاسىن الماعان ازاماتتار جەڭىلدىكپەن ءجۇرۋ قۇقىعىن راستايتىن قۇجاتتاردى كورسەتىپ، قوعامدىق كولىكتەرمەن (قالا ماڭىنا قاتىنايتىنداردان باسقا) تەگىن جۇرە الادى. ال مامىر ايىندا فوتوتىركەۋدەن وتكەن ازاماتتار كولىك كارتالارىن اتالعان پۋنكتەن الىپ كەتە الادى، فوتوتىركەۋدەن وتپەگەن ازاماتتار جاقىن ارادا اشىلاتىن ارنايى كاسسالارعا جۇگىنۋى كەرەك.
جالپى، ازاماتتاردىڭ جەڭىلدىكتى ساناتىنا ارنالعان 54 مىڭ اتاۋلى كولىك كارتاسىن بەرۋ جوسپارلانعان. قازىرگى كەزدە 42 مىڭ كارتا تاراتىلدى.
بۇرىن حابارلانعانداي، كارتالار تەگىن، سونداي-اق، ەلوردالىق باعدارلار - قالالىق جانە ەكسپرەسس مارشرۋتتارمەن (قالا ماڭىنا قاتىنايتىن مارشرۋتتارمەن ءجۇرۋ وقۋشىلار مەن جەڭىلدىكپەن جۇرەتىن ازاماتتار ءۇشىن اقىلى بولىپ قالادى) ءجۇرۋ ءۇشىن تولتىرۋ قاجەتتىلىگىنسىز تاراتىلادى.
ەسكە سالايىق، 4- مامىردا Astra Plat ەلەكتروندى جولاقى تولەۋ جۇيەسىن ەنگىزۋ اياسىندا ازاماتتاردىڭ جەڭىلدىكتى ساناتتارىنا كولىك كارتالارى بەرىلە باستادى. ەرەجەلەرگە سايكەس، استانا قالاسىنىڭ تۇرعىندارى جانە مەملەكەتتىك زەينەتاقى تولەۋ ورتالىعىنىڭ قالالىق فيليالىنان الەۋمەتتىك تولەمدەر الاتىن ازاماتتاردىڭ تومەندە كورسەتىلگەن ساناتتارى قوعامدىق كولىكپەن تەگىن جول جۇرەدى:
- جاسىنا قاراي جانە ەڭبەك ءوتىلى بويىنشا زەينەتكەرلەر؛
- جاسىنا قاراي زەينەتكە شىققاندار جانە اسىراۋشىسىنان ايىرىلۋى بويىنشا مەملەكەتتىك الەۋمەتتىك جاردەماقى الاتىندار؛
- كوپ بالالى انالار مەن كوپ بالالى وتباسىلار؛
- مۇمكىندىگى شەكتەۋلى تۇلعالار، 18 جاسقا دەيىنگى مۇگەدەك بالالار.
- ۇ و س- ىنا قاتىسقاندار مەن مۇگەدەكتەرى، ولارعا تەڭەستىرىلگەن تۇلعالار؛
