بايان ەسەنتايەۆا جۇرتقا حان سارايىنداي ءۇيىن كورسەتتى - كەسكىن

استانا. قازاقپارات - ەلىمىزگە تانىمال پروديۋسەر بايان ەسەنتايەۆا ءۇيىن كورسەتىپ، ينتەرەرىنىڭ ەرەكشە ديزاينىن ءوزى قۇراستىرعانىن ايتتى.

مۇنىمەن قاتار، جاتىن بولمەسىندەگى توسەگىن قىمباتقا ساتىپ العانىن تىلگە تيەك ەتتى.

بۇل تۋرالى Stan.kz حابارلايدى.

پروديۋسەر 2007 -جىلدىڭ 6 -ماۋسىمىندا جاڭا ءۇي تۇرعىزۋدى قولعا العان. قۇرىلىس جۇمىستارى 8 ايعا جالعاسىپ، قونىس تويىن اقپاننىڭ 10 ى كۇنى تويلاعان.

ءۇي قوناق بولمە، بىرنەشە جاتىن بولمە جانە اس ۇيدەن قۇرالعان. اناسى تاماق ازىرلەگەندى جاقسى كورەتىندىكتەن، اس ءۇيدى بارىنشا ۇلكەن ەتىپ جاساعان. ءوزى تاماق جاساعاندى مۇلدەم دەرلىك ۇناتپايدى ەكەن.

قىزدارىنىڭ بولمەلەرى ءتۇرلى-ءتۇستى جيھاز بەن ويىنشىققا تولى. دەسە دە، پروديۋسەر ءوز بولمەسىن تۇرلەندىرۋدى ءجون كورمەگەن.

«ءومىرىم ءتۇرلى كوڭىلدى ساتتەرگە تولى بولعاندىقتان، جاتىن بولمەمنىڭ جانعا جايلى بولعانىن قالادىم. ول جەردە جۇيكەمە تيمەيتىن جارىق بولسا عانا جەتكىلىكتى. توسەگىم قالاعانىمدى جاسايتىنداي ۇلكەن. ونى ۆەنەتسياداعى كورمەدەن قىمباتقا الدىردىم. ەڭ باستىسى، كوپ اقشا بەرگەنىم ءۇشىن وكىنبەدىم»، - دەيدى پروديۋسەر.

بۇل ءۇيدى كورگەندەر تاڭ قالىپ، ءتۇرلى پىكىر بىلدىرگەن. ءبىرى كرەاتيۆتىڭ جوق ەكەنىن ايتسا، ەكىنشىلەرى جانعا جايلى ەكەنىن تىلگە تيەك ەتكەن.

جوعارىداعى ۆيدەونىڭ اۆتورلارى ونىڭ 2007-2008 ج ج تۇسىرىلگەنىن ايتادى.