تاراز ۋنيۆەرسيتەتىندە قازاقستاندىق- تۇرىك ورتالىعى اشىلدى - فوتو
بۇل تۋرالى جوعارى وقۋ ورنىنىڭ باسپا ءسوز قىزمەتى حابارلادى.
2014 - جىلى ىنتىماقتاستىق تۋرالى مەموراندۋمعا قول قويىلعان بولاتىن. ەكى جوعارى وقۋ ورنىنىڭ ءوزارا تىعىز قاتىناستارىنىڭ قورىتىندىسى ءبىلىم سالاسىنداعى قازاقستاندىق- تۇرىك قاتىناستارىن ىلگەرى جىلجىتۋ ماقساتىندا بىرلەسكەن عىلىمي- زەرتتەۋ ورتالىعى اشىلدى.
م. -ح. دۋلاتي اتىنداعى تاراز مەملەكەتتىك ۋنيۆەرسيتەتى مەن كاستامونۋ ۋنيۆەرسيتەتىنىڭ اتىنان ەكى ۋنيۆەرسيتەتتە دە ءتىل جانە مادەنيەتتى نەگىزدەۋ ورتالىعى اشىلدى. تۇرىك ءتىلى، ءبىلىمى، مادەنيەتى جانە ونەرىنەن تۇركى وركەنيەتىنىڭ ءبىر بولىگى رەتىندە، عىلىمي قىزمەتكەرلەردىڭ، ستۋدەنتتەردىڭ، ماگيسترانتتار مەن دوكتورانتتاردىڭ الماسۋ باعدارلاماسىنا قاتىسۋىن ۇيلەستىرۋ كوزدەلەدى. تۇرىك مادەنيەتى، تۇرىك ءتىلى مەن ونەرى كۇندەرى ۇيىمدپاستىرىلاتىن بولادى. تارمۋ مەن كاستامونۋ ۋنيۆەرسيەتى پروفەسسور- وقىتۋشىلار قۇرامىنىڭ، ستۋدەنتتەرىنىڭ عىلىمي جۇمىستارىن جاريالاۋ قولعا الىندا
تارمۋ ورتالىعىن اشۋ سالتاناتىنا كاستامونۋ ۋنيۆەرسيتەتىنىڭ رەكتورى سەيىت ايدىن باسقارعان كاستامونۋ دەلەگاتسيا كەلدى.
ورتالىقتىڭ اشىلۋ سالتاناتىندا ت ا ر م ۋ رەكتورى ماحمەتعالي سارىبەكوۆ 2014 -جىلدان بەرى جوعارى وقۋ ورىندارى اكادەميالىق ۇشقىرلىق باعدارلامالارى اۋقىمىندا ۇلكەن جۇمىس اتقارعانىن اتاپ ءوتتى. «تارمۋ وقىتۋشىلارى كاستامونۋ ۋنيۆەرسيتەتىندە ءدارىس وقىدى، ءوز كەزەگىندە ءبىزدىڭ ستۋدەنتتەر دە كاستامونۋ ۋنيۆەرسيتەتىنىىڭ دارىستەرىن تىڭدادى. ءبىزدىڭ ەكى ستۋدەنتىمىز ءبىر سەمەستر بويى كاستامونۋ ۋنيۆەرسيتەتىندە وقىدى جانە وسى جوعارى وقۋ ورنىنىڭ ەكى ستۋدەنتى تارمۋ- دا وقىتۋدان ءوتتى. عىلىمي- زەرتتەۋ ورتالىعىنىڭ اشىلۋى ءبىزدىڭ جوعارى وقۋ ورىندارىمىز اراسىنداعى بەرىك دوستىقتىڭ جارقىن كورىنىسى»، - دەدى تارمۋ رەكتورى م. سارىبەكوۆ.
ءوز كەزەگىندە كاستامونۋ ۋنيۆەرسيتەتىنىڭ وكىلدەرى جوعارى وقۋ ورىندارى اراسىنداعى ىنتىماقتاستىق ءوزارا ءتيىمدى ەكەنىن اتاپ ءوتتى.
كەزدەسۋدەن كەيىن تارمۋ رەكتورى عىلىمي كەڭەس مۇشەلەرىمەن بىرگە كاستامونۋ ۋنيۆەرسيتەتىنىڭ وكىلدەرىنە «م. ح دۋلاتي» توسبەلگىسىن تاپسىردى. قوناقتار ءۇشىن قالانىڭ كورنەكتى ورىندارىنا ەكسكۋرسيا ۇيىمداستىرىلدى.
