بۇگىن - قازاق قۋىرشاق فيلمىنىڭ نەگىزىن قالاۋشى ءا. قايداروۆتىڭ تۋعان كۇنى
قاراعاندى وبلىسىندا تۋعان. الماتى كوركەمسۋرەت ۋچيليشەسىن، ماسكەۋدەگى كينەماتوگرافيا ينستيتۋتىنىڭ كوركەم سۋرەت ءبولىمىن بىتىرگەن. «قازاقستان ايەلدەرى»، «ارا» جۋرنالدارى رەداكسيالارىندا ىستەگەن. 1965 -جىلدان «قازاق فيلم» كينوستۋدياسىندا قىزمەت اتقارعان. 1976-1981 -جىلدارى قازاقستان كينەماتوگرافياشىلار وداعى باسقارماسىنىڭ مۋلتيپليكاتسيالىق كينو جانە شىعارماشىل جاستار اراسىنداعى جۇمىس جونىندەگى حاتشىسى بولعان.
1967 -جىلى قايداروۆتىڭ سالعان سۋرەتى بويىنشا «قارلىعاشتىڭ قۇيرىعى نەگە ايىر؟» اتتى مۋلتفيلم جاسالعان. اتالمىش تۋىندى سانكت- پەتەربور قالاسىندا وتكەن بۇكىل وداقتىق كينوفەستيۆالدا، نيۋ-يورك قالاسىندا وتكەن حالىقارالىق مۋلتيپليكاتسيالىق فيلمدەر فەستيۆالىندە جۇلدەگە يە بولعان. سونداي-اق ونىڭ «اقساق قۇلان»، «قۇيىرشىق»، «قوجاناسىر قۇرىلىسشى»، «جانار»، «كۇن ساۋلەسىنەن پايدا بولعان كوجەك»، «قىرىق وتىرىك»، ت. ب. مۋلتفيلمدەرى بار.
«پاراسات»، «قۇرمەت بەلگىسى» وردەندەرىمەن، مەدالدارمەن ماراپاتتالعان.
