رەسەيدەگى ق ر ەلشىلىگى «دىندەر تەرروريزمگە قارسى» كونفەرەنتسياسىن قورىتىندىلادى

ماسكەۋ. قازاقپارات - بۇگىن ماسكەۋدە ر ف- داعى ق ر ەلشىلىگىنىڭ باسپا ءسوز ورتالىعىندا ب ا ق وكىلدەرى ءۇشىن بريفينگ ءوتتى.

جيىندا رەسەيدەگى قازاقستاننىڭ ەلشى- كەڭەسشىسى مارات سىزدىقوۆ 2016-جىلى 31- مامىردا بەيبىتشىلىك پەن كەلىسىم سارايىندا وتكەن «دىندەر تەرروريزمگە قارسى» حالىقارالىق كونفەرەنتسياسىنىڭ قورىتىندىسىمەن تانىستىردى.

م. سىزدىقوۆ اتاپ وتكەندەي، كونفەرەنتسيا ءدىنارالىق ديالوگتى دامىتۋ مەن حالىقارالىق لاڭكەستىكپەن كۇرەس جولىندا ساياسي جانە رۋحاني ليدەرلەردىڭ بىرىگۋى ءۇشىن قازاقستان پرەزيدەنتى ن. ءا. نازاربايەۆتىڭ ماڭىزدى باستامالارىن دامىتۋ ماقساتىندا وتكىزىلدى.

ديپلومات كونفەرەنتسياعا 41 ەلدىڭ دەلەگاتسياسى، بارلىعى 200 دەن استام ادام قاتىسقانىن جەتكىزدى. ءدىني قىزمەتكەرلەردىڭ ىشىندە يسلام، حريستيان، يۋدايزم، بۋدديزم، داوسيزم جانە يندۋيزم وكىلدەرى بولدى. فورۋم ءبىرقاتار حالىقارالىق ۇيىمنىڭ باسىن قوستى.

بريفينگكە قاتىسۋشىلار «دىندەر تەرروريزمگە قارسى» كونفەرەنتسياعا قاتىسقانداردىڭ سوڭعى مالىمدەمەلەرىمەن تانىستى. وندا الەمدىك قوعامداستىقتى لاڭكەستىكپەن كۇرەس جولىندا كۇش بىرىكتىرۋگە شاقىرعان جانە پارلامەنتارييلەر مەن ءدىني قايراتكەرلەردىڭ سىندارلى ديالوگى جالعاسىن تابارىنا ءۇمىت ارتىلعانى كورسەتىلگەن.

فورۋمدا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ ب ۇ ۇ جانىنان لاڭكەستىككە قارسى جاھاندىق كواليتسيا قۇرۋ جانە تەرروريزممەن كۇرەس بويىنشا بارلىعىن قامتيتىن ب ۇ ۇ قۇجاتىن قابىلداۋ تۋرالى باستاماسىن قولداعانى اتالىپ ءوتىلدى.

سونىمەن قاتار، ديپلومات حابارلاعانداي، دەلەگاتتار الەمدىڭ قوعامداستىقتى قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ «الەم. XXI عاسىر» مانيفەسىن قولداۋعا شاقىرعان.