04:06, 03 - ماۋسىم 2016 | GMT +5
توماش ايان: بەيجىڭ مەن لوندوندا التىن العان اۋىر اتلەتتەردەن دوپينگ تابىلدى
استانا. قازاقپارات - بەيجىڭ مەن لوندون وليمپياداسىنىڭ دوپينگ سىنامالارىن قايتا تەكسەرگەننەن كەيىن ون سپورتشىنىڭ قانىنان دوپينگ تابىلعان.
بۇل تۋرالى حالىقارالىق اۋىر اتلەتيكا فەدەراتسياسى پرەزيدەنتى توماش اياننىڭ سوزىنە سىلتەمە جاساعان يراندىق farsnews.com سايتى مالىمدەدى.
دوپينگ تابىلعاندار قاتارىندا لوندون وليمپياداسىنىڭ ءتورت چەمپيونى جانە پەكين وليمپياداسىنىڭ ءبىر جەڭىمپازى بار.
ەستەرىڭىزگە سالا كەتەيىك، پەكيندە قازاقستان ساپىنان يليا يلين وليمپيادا چەمپيونى اتانسا، لوندوندا ءزۇلفيا چينشينلو، مايا مانەزا، سۆەتلانا پودوبەدوۆا جانە يلين التىن العان. ال سوڭعى ۋاقىتتا دوپينگ داۋىنا ءجيى ىلىنگەن رەسەي ەلىنىڭ اۋىر اتلەتتەرى بەيجىڭ مەن لوندوندا توعىز كۇمىس، ءتورت قولا العان ەدى.
«الامان»
