ناعيما ەسقاليەۆا بايان ەسەنتايەۆانىڭ قىزىنا قۇدا ءتۇستى
بۇل تۋرالى «ريەۆيۋ» باعدارلاماسىنا سىلتەمە جاساعان NUR. KZ حابارلايدى.
كونسەرت اياقتالعان سوڭ، توپتىڭ پروديۋسەرى بايان ەسەنتايەۆا ونەردەگى جاقىن دوستارىن داستارحان باسىنا جيناعان بولاتىن. باياننىڭ قۇرمەتتى قوناقتارىنىڭ قاتارىندا ايقىن، ارمان دۇيسەنوۆ، الىشەر كارىموۆ، ساندا، ايدا قاۋمەنوۆا، كەنتال، ناعيما ەسقاليەۆا سىندى شوۋ-بيزنەس وكىلدەرى بار.
كوڭىلدى كەشتىڭ كورىگىن ناعيما ەسقاليەۆا قىزدىردى. ول «كەشيۋ» قىزدارىنىڭ ءبىرىن ۇلى دياسقا قالىڭدىق، وزىنە كەلىن ەتۋگە نيەتتى ەكەنىن ايتتى. وسىلايشا، ول بايان ەسەنتايەۆامەن قۇداعي بولماقشى.
قىزدارىنا قۇدا تۇسكەن سوڭ، بايان دا تارتىنىپ قالماعان. ول ناعيما ەسقاليەۆانىڭ جاقسى قۇداعي بولاتىنىنا سەنىمدى.
ازىرگە، ناعيما ەسقاليەۆانىڭ كەلىنى ناقتى كىم بولاتىنى بەلگىسىز. «كەشيۋ» قىزدارى دا بۇل ۇسىنىسقا كەتارى ەمەستىگىن جەتكىزدى. الايدا، ەسقاليەۆانىڭ كەلىنى بولۋ ءۇشىن ءالى 5-6 جىلداي ۋاقىت كەرەك ەكەن. سەبەبى، انشىلەر كەلىسىم-شارت بويىنشا جۇمىس ىستەيدى.
ەكى تاراپتىڭ قۇداعي اتانۋىنا كەلىسكەنىن كورگەن ءانشى بۇركىت تەز ارادا سىرعا سالۋ كەرەكتىگىن ەسكەرتتى.
