ءار كەلىن ءبىلۋى قاجەت ون ءتورت قاعيدا

استانا. قازاقپارات - قازاق حالقى قاشان دا كەلىندى قۇرمەت تۇتقان. سەبەبى كەلىن - وتباسىنىڭ شىراعى، وت اناسى.

ەندەشە ءار كەلىن بىلۋگە ءتيىستى ون ءتورت قاعيداعا قۇلاق تۇرىڭىزدەر دەپ جازادى anabol.kz.

1. مەيىربان كەلىن وتباسىنىڭ ايناسىنا اينالادى؛

2. ادالدىقتى بويىنا سىڭدىرە بىلگەن ايەل، ادال بولۋعا تىرىسىپ ءوز ەرىن قۇرمەتتەپ كوڭىلىنەن شىعادى؛

3. سەزىمتالدىق بويىنا دارىعان كەلىن - ءار دۇنيەنىڭ بايىبىن بىلەتىن ناعىز ايەلدىك بولمىسى تانىلعان كەلىن؛

4. ەڭبەكققورلىق - ءار كەلىننىڭ بويىندا بولۋى ءتيىستى نەگىزگى تابيعي زاڭدىلىق. ءۇي شارۋاسىنا بەكەم، تازالىقتى جيناقىلىقتى وزىنە مىندەت ەتكەن كەلىن بولۋى ءتيىس؛

5. جاۋاپكەرشىلىكتى وزىنە سەرىك ەتكەن ايەل كۇيەۋىنە دە، بالاعا دا دۇرىس قاراي الاتىن بولادى؛

6. اشىق قاباقتىلىق - كەلىنگە ءتان نەگىزگى قاسيەت. وسى مىنەزىمەن كوپ جاعدايدى شەشۋگە بولادى. اسىرەسە قوناقتى كۇتكەن كەزدە وسى قاسيەتتىڭ قاجەتتىلىگى ارتادى. بۇل قاسيەتپەن قوناقتىڭ دا، كۇيەۋىڭنىڭ دە كوڭىلىن اۋلاۋعا بولادى؛

7. ءدامدى تاماق ازىرلەي ءبىلۋ - كەلىنگە سىن. شىن كوڭىلدەن جاسالىنعان اس وتباسىنىڭ كوڭىلىن كوتەرىپ بەرەكەسىن اسىرادى؛

8. وتىرىك ايتپاۋ؛

9. ءوز ەر ازاماتىنا دەگەن قامقورلىعى، ەرىن جاقسى كورۋى، سىيلاۋى، قۇرمەت تۇتۋى - كەلىننىڭ نەگىزگى مىندەتى.

10. «بالاڭ جامان بولسا دا، كەلىنىڭ جاقسى بولسىن» دەپ، بەكەر ايتپاسا كەرەك. ەركەكتى ەر ەتەتىن دە ايەل؛

11. ءوز ەنەسىن اناسىنداي قۇرمەتتەۋى كەرەك؛

12. ابىسىندارمەن جاقسى قارىم-قاتىناستا بولۋ؛

13. كەلىن ءوزىنىڭ يبالىعىمەن ادەمى. سىپايىلىقتى بويىنا دارىتقان كەلىن ءوز وتباسىنىڭ دەڭگەيىن كوتەرەتىن كەلىن بولادى؛

14. ءوزىن قۇرمەتتەگەن كەلىن وزگەنى دە قۇرمەتتەيدى.