22:40, 02 - ماۋسىم 2016 | GMT +5
ەرتەڭ «مەرەيلى وتباسى» كونكۋرسىنىڭ جەڭىمپازدارى ماراپاتتالادى
استانا. قازاقپارات - 3- ماۋسىمدا ەلورداداعى بەيبىتشىلىك جانە كەلىسىم سارايىندا ساعات 15:00 دە «مەرەيلى وتباسى» ۇلتتىق كونكۋرسىنىڭ قالالىق كەزەڭىنىڭ جەڭىمپازدارىن ماراپاتتاۋ سالتاناتى وتەدى.
«مەرەيلى وتباسى» ۇلتتىق كونكۋرسى وسىمەن ءۇشىنشى جىل قاتارىنان وتكىزىلىپ وتىر، دەپ حابارلايدى قالالىق اكىمدىكتىڭ باسپا ءسوز قىزمەتى.
كونكۋرسقا قاتىسۋشىلار ءۇش كەزەڭنەن وتەدى - اۋداندىق، وبلىستىق جانە رەسپۋبليكالىق.
«مەرەيلى وتباسى» ۇلتتىق كونكۋرسىن وتكىزۋ ەرەجەلەرىنە سايكەس، ۇستىمىزدەگى جىلدىڭ ءساۋىر ايىنان باستاپ استانا قالاسىنىڭ تۇرعىندارىنان قۇجاتتار قابىلدانا باستادى. اتالعان كەزەڭدە قالا اكىمدىگىنە ەلوردالىق وتباسىلاردان 94 ءوتىنىش كەلىپ ءتۇستى. كانديداتتاردىڭ ىشىندە ءار ءتۇرلى تاريحى بار جانە وتباسىلىق باقىتقا قول جەتكىزۋدىڭ ەرەكشە جولدارىن بىلەتىن اۋلەتتەر بار.
كونكۋرس قورىتىندىسى بويىنشا ۇزدىك وتباسىلاردى ماراپاتتاۋ سالتاناتىندا قازاقستاندىق ەسترادا جۇلدىزدارى ونەر كورسەتەدى.
