ارمان دۇيسەنوۆ ورالماندار تۋرالى كومەديالىق فيلم ءتۇسىرىپ جاتىر

استانا. قازاقپارات - كۇنى كەشە سازگەر ءارى ءانشى، كليپمەيكەر ارمان دۇيسەنوۆتىڭ ءوزىن رەجيسسەرلىك قىرىنان سىناعىسى كەلىپ جۇرگەنىن حابارلاعان بولاتىنبىز.

ەندى مىنە سازگەر كوپتەن بەرگى ارمانىن جۇزەگە اسىرماق. ول «پيتەرلىك ورالمان» اتتى فيلم ءتۇسىرىپ جاتىر.

بۇل تۋرالى «گاككۋ» ارناسى حابارلايدى.

سان ءتۇرلى قىرىمەن تانىلىپ ۇلگەرگەن ارمان دۇيسەنوۆ فيلم ءتۇسىرۋدى قولعا الدى. ول الماتىعا باقىت ىزدەپ كەلگەن ءۇش ورالمان جىگىتتىڭ ءومىرىن باياندايتىن تۋىندى تۇسىرمەك. ءتۇسىرىلىم جۇمىستارىن باستاپ، داستۇرگە ساي ىدىس سىندىرىپ تا ۇلگەردى.

فيلمدە داستان ورازبەكوۆ، دينارا باقتىبايەۆا، اشا ماتاي سىندى تانىمال جۇلدىزدار وينايدى.

ارمان دۇيسەنوۆ اتالعان فيلمنەن بوي كورسەتپەسە دە، ونىڭ بارلىق ساۋندترەگىن جازۋدى ءوز موينىنا العان. مۇنىمەن قاتار، فيلمنىڭ پروديۋسەرى عانا ەمەس، سەناريسى. ال كارتينانىڭ رەجيسسەرى - الەن نيازبەكوۆ.

جاستار تۋرالى كومەديالىق تۋىندى كۇزدە كورەرمەن نازارىنا جول تارتادى دەپ كۇتىلۋدە.