قازاقستاندىق قورعانىس- ونەركاسىبى كەشەنىنىڭ تىڭ جەتىستىكتەرى كورسەتىلەدى
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى.
KADEX كورمەسى بيىل ءتورتىنشى رەت وتكىزىلگەلى وتىر. جىل سايىن كەلىسسوزدەر وتكىزۋ ءۇشىن استانامىزدا وتەتىن ءىس- شاراعا كەلەتىن قارۋ- جاراق، اسكەري جانە ارنايى تەحنيكا وندىرەتىن قازاقستاندىق جانە شەتەلدىك قاتىسۋشىلاردىڭ، ىسكەرلىك ورتا وكىلدەرىنىڭ سانى ارتىپ كەلەدى. ەگەر 2010 -جىلى كورمەگە 156 قازاقستاندىق جانە شەتەلدىك كومپانيالار قاتىسسا، 2012 -جىلى - 253، 2014 -جىلى - قاتىسۋشى كومپانيالاردىڭ سانى 300-گە جەتتى.
وسى جىلى كورمە باعدارلاماسى مازمۇندى جانە اسەرلى بولادى. ەكسپوزيتسيا 8 پاۆيلوندا جانە اشىق الاڭداردا ورىستەتىلدى. جالپى كورمە الاڭى 90000 شارشى مەتردى قۇرايدى.
كورمەگە شەتەل مەملەكەتتەرى قورعانىس ۆەدومستۆولارىنىڭ 40-تان اسا رەسمي دەلەگاتسياسى، سونداي- اق ستاتيكا تۇرىندە ءوز ونىمدەرىن ۇسىنىپ، تەحنيكانىڭ ارەكەت ەتۋدەگى مۇمكىندىكتەرىن كورسەتەتىن الەمنىڭ ءار ەلىنەن اسكەري تەحنيكا شىعاراتىن 350-دەن اسا كومپانيا كەلدى.
زاماناۋي تەحنولوگيالاردىڭ دامۋى مەن ولاردىڭ ومىرىمىزگە، ونىڭ ىشىندە قورعانىس ونەركاسىبىنە ىقپال ەتۋىن ەسكەرە وتىرىپ، بيىلعى جىلى كورمەنىڭ نەگىزگى سەكسيالارىن ءبىز IT- تەحنولوگيالار، روبوت تەحنيكا، اۆياتسيا، ۇشقىشسىز ۇشۋ اپپاراتتارى مەن قورعانىس پەن قاۋىپسىزدىك سالاسىنداعى وزگە دە وزىق باعىتتار اياسىنداعى تىڭ جاڭالىقتارعا ارنادىق.
العاش رەت قازاقستاندىق ءوندىرىستىڭ «ارلان» بروندالعان دوڭگەلەكتى ماشينالارى مەن «بارىس» بروندى ترانسپورتەرى كورسەتىلەتىن بولادى. بۇل ۇرىس ماشينالارى قارۋلى كۇشتەرىنىڭ مۇقتاجدىعى ءۇشىن وتاندىق كاسىپورىندا شىعارىلادى.
كورمەنىڭ كورسەتىلىم باعدارلاماسى قازاقستان قارۋلى كۇشتەرىنىڭ ارنايى بولىمشەلەرى جانە اسكەري بولىمدەردىڭ جاراقتاندىرۋىندا تۇرعان جاۋىنگەرلىك تەحنيكانىڭ قاتىسۋىمەن كورسەتپەلى كورسەتىلىمدەردى قامتيدى. قاتىسۋشىلار مەن قوناقتار قازاقستاندىق ءا ءا ك- ءنىڭ اۆيتاتەحنيكاسىن، قۇرلىق اسكەرلەرى اسكەري تەحنيكاسىنىڭ ۇلگىلەرىن تاماشالاي الادى.
«قازاقستان ينجينيرينگ» كومپانياسىنىڭ توبى كورمەدە 20 كاسىپورىنمەن ۇسىنىلعان. اشىق الاڭداردا 47 ۇلگى، جابىق پاۆيلونداردا 95 ۇلگى جانە 27 سۇلبا ۇسىنىلعان.
ءىس- شارانىڭ اۋقىمدىلىعى بروندى تانكتى تەحنيكانىڭ جانە قارۋ- جاراقتاردىڭ وزگە دە تۇرلەرىنىڭ پايدالانۋ، جاۋىنگەرلىك قاسيەتتەرىن كورسەتۋگە مۇمكىندىك بەرەدى. ونىڭ ىشىندە، شەتەلدىك سەرىكتەستەردىڭ وندىرىسىمەن بىرلەسە قارۋ- جاراقتىڭ ازىرلەمەلەرى مەن ۇلگىلەرى، سونداي- اق ەنشىلەس ۇيىمدارىمىزدىڭ ءونىمى العاش رەت پاش ەتىلەدى. اتاپ ايتقاندا:
- ءارتۇرلى موديفيكاتسياداعى مي-17 جاڭعىرتىلعان تىكۇشاقتارى؛
- ت-72ا، ت-72ب جاڭعىرتىلعان تانكتەرى؛
- ءارتۇرلى قارۋ- جاراعى بار ءارتۇرلى موديفيكاتسياداعى «ارلان» بروندالعان دوڭگەلەكتى ماشينالارى؛
- وپتيكا- ەلەكتروندىق پريبورلار مەن كولليماتورلىق تىركەمەلەر.
