07:39, 02 - ماۋسىم 2016 | GMT +5
گەرمانياداعى اۋدي كولىك زاۋىتى قىزمەتىن ۋاقىتشا توقتاتتى
استانا. قازاقپارات - گەرمانيانىڭ وڭتۇستىك- باتىسىنداعى Audi زاۋىتى ۋاقىتشا قىزمەتىن توقتاتتى.
وعان جاۋىننان كەيىن پايدا بولعان تاسقىن سەبەپ بولدى، دەپ جازادى 24.kz.
كاسىپورىننىڭ بىرنەشە سەحى كولكىگەن سۋ استىندا قالعان. قازىر كومپانيا وكىلدەرى تابيعي اپاتتىڭ سالدارىن جويۋعا تىرىسىپ جاتىر.
ايتا كەتكەن ءجون، گەرمانيادا وتكەن اپتانىڭ سوڭىنان بەرى توقتاماستان جاڭبىر جاۋىپ تۇر. تاسقىننان 4 ادام اجال قۇشىپ، تاعى ونعا جۋىق تۇرعىن جاراقات العان.
