رەسەيدىڭ سۋديالارى قازاقستاننىڭ اسكەري سوتىنىڭ قىزمەتىمەن تانىستى

استانا. قازاقپارات - اسكەري سوتتىڭ جۇمىسىمەن كورنەكتى تانىسۋ ماقساتىندا رەسەي فەدەراتسياسى جوعارعى سوتىنىڭ دەلەگاتسياسى قازاقستان رەسپۋبليكاسى اسكەري سوتىنا كەلدى، دەپ حابارلايدى اتالعان سوتتىڭ باسپا ءسوز قىزمەتى.

دەلەگاتسيا قۇرامىندا رف جوعارعى سوتىنىڭ جانىنداعى سوت دەپارتامەنتى باس ديرەكتورىنىڭ ورىنباسارى ۆيكتور اگەيەۆ، كوسترومسك وبلىستىق جانە سولتۇستىك كاۆكاز وكرۋگتىك اسكەري سوتتارىنىڭ ءتوراعالارى، سوت دەپارتامەنتى باسقارمالارىنىڭ باستىقتارى، سونداي-اق «پراۆوسۋديە» مەملەكەتتىك تالدامالىق جۇيەسىن قولداۋدىڭ اقپاراتتىق- ساراپتامالىق ورتالىعى» فەدەرالدىك مەملەكەتتىك بيۋدجەتتىك مەكەمەسىنىڭ باسشىسى لەونيد يۋحنيەۆيچ بولدى.

كەزدەسۋدە «100 ناقتى قادام» ۇلت جوسپارىن جۇزەگە اسىرۋ اياسىندا جۇرگىزىلگەن سوت رەفورماسى تالقىلاندى.

شەتەلدىك قوناقتار اسكەري سوتتىڭ عيماراتىن ارالاپ، اسكەري سوتتىڭ تاريحىمەن، بارلىق رەسپۋبليكا اسكەري سوتتارىنان جينالعان تاريحي قۇجاتتارمەن جانە سۋرەتتەرمەن تانىستى.

اسكەري سوت ءتوراعاسى س. ابدۋللايەۆ تاۋەلسىز قازاقستاننىڭ اسكەري سوتتارىنىڭ قۇرىلۋ تاريحى 1992 -جىلدان، ياعني قازاقستان رەسپۋبليكاسىنىڭ جوعارعى كەڭەس پرەزيديۋمىنىڭ 1992 -جىلعى 20 -قاڭتارداعى قاۋلىسىمەن قاز ك س ر اۋماعىندا جۇمىس جاساعان اسكەري تريبۋنالداردىڭ قازاقستان رەسپۋبليكاسىنىڭ يۋريسديكسياسىنا وتكەن كۇنىنەن باستاۋ الاتىنىن ايتتى. سونىمەن قاتار، بۇگىنگى كۇنى ەلىمىزدىڭ 10 قالاسىندا ورنالاسقان 11 گارنيزوندىق اسكەري سوتتىڭ جۇمىس جاساپ جاتقاندىعى ايتىلدى.

مەيماندارعا سوت جۇيەسىنە ەنگىزىلگەن زاماناۋي اقپاراتتىق تەحنولوگيالار تانىستىرىلدى.

اسكەري سوتتار اكىمشىسىنىڭ باسشىسى ن. بايتىلەسوۆ قوناقتارعا اۋديو-بەينەتىركەۋ قۇرىلعىسىنىڭ مۇمكىندىكتەرىن، «سوت كابينەتى» سەرۆيستەرىنىڭ جۇمىسىن كورنەكتى تۇردە تانىستىرىپ شىقتى.

قوناقتار قازاقستاندىق ارىپتەستەرىنىڭ تاجىريبەسىن اتاپ ءوتىپ، سوت جۇمىسىمەن تانىستىرعانى ءۇشىن سوت باسشىلىعىنا العىستارىن ءبىلدىردى.

كەزدەسۋدىڭ سوڭىندا تاراپتار ەستەلىك سىيلىقتارمەن الماستى.