استانادا كوشە باسكەتبولىنان الەم چەمپيوناتى باستالدى
ستريتبولدان «استانا وپەرا» تەاترىنىڭ الدىنداعى اشىق الاڭداعى 3x3 فورماتىنداعى كەزدەسۋلەر 5- ماۋسىمعا دەيىن جالعاسادى. بۇل تۋرالى ەلوردا اكىمدىگىنىڭ رەسمي سايتىندا حابارلادى.
حالىقارالىق باسكەتبول فەدەراتسياسىنىڭ (FIBA) باسقارۋشى ديرەكتورى الەكس سانچەستىڭ اتاپ وتۋىنشە، الەم بىرىنشىلىگىن وتكىزۋ ءۇشىن قازاقستاننىڭ تاڭدالۋى كەزدەيسوق ەمەس. ستريتبولدى بارشا الەمدە، سونىڭ ىشىندە ءبىزدىڭ دە ەلىمىزدە دامىتۋ كوزدەلگەن. ونىڭ ايتۋىنشا، ارنايى تۋرنير ءۇشىن دوپتىڭ جاڭا ءتۇرى جاسالدى، ول جابىنىمەن جانە ولشەمىمەن ەرەكشەلەنەدى.
«2015-جىلى قازاقستان تۋرنيردى وتكىزۋ مارتەبەسىنە يە بولدى. بۇگىندە الەمنىڭ تۇكپىر-تۇكپىرىنەن كەلگەن 200 دەن استام ويىنشىنى كورىپ وتىرمىز. بالالار ءۇشىن ارنايى ويىن الاڭدارىن سالدىق، 8-10 جاستاعى بالالار ستريتبولعا اۋەس بولادى، ءبىز ءۇشىن وسىنداي كوشە مادەنيەتىنىڭ ۇيىمداسقان جانە بەلگىلى ءبىر باعىتتا دامىعانى، سالاۋاتتى ءومىر سالتىن ۇستانۋ ماڭىزدى»، - دەدى قازاقستاننىڭ ستريتبول ليگاسىنىڭ ۆيتسە-پرەزيدەنتى اسحات اعىبايەۆ.
ەلوردادا ەرلەر مەن ايەلدەر قۇرامالارى باس جۇلدەنى ساراپقا سالۋدا. جارىس ءتورت توپتا وتكىزىلەدى. بۇگىن ەرلەر كومانداسى رۋمىنيا قۇراماسىمەن العاشقى ويىنىن وتكىزەدى. ال ايەلدەر نيدەرلاندى كومانداسىمەن شەبەرلىك بايقاسادى.
استانادا ءوتىپ جاتقان الەمدىك دوداعا جاڭا زەلانديادان وتكەن جىلعى ۇزدىك ويىنشى تاي ۆينيارد تا كەلدى.
«وسىندا قايتىپ كەلۋ مەن ءۇشىن ۇلكەن قۇرمەت، اينالاداعىنىڭ ءبارى كەرەمەت، قالا جاقسى دامىپ كەلەدى. شىن مانىندە، بارلىق كوماندالار دا مىقتى، ءبىراق اۆستريا، يسپان كوماندالارىن ەرەكشە اتاپ وتپەكپىن، ولار كۇشتى، ءبىر توپتى ءبولىپ ايتۋ قيىن. وسىندا بولعانىما قۋانىشتىمىن، مەنىڭشە، بۇل تاماشا بىرلەسكەن جۇمىس بولادى»، - دەپ سپورتشى ءوز ويىمەن ءبولىستى.
چەمپيوناتقا كەلۋشىلەر قىزىقتى ويىن-ساۋىق باعدارلاماسىن تاماشالايدى. ۇلكەن اۋماقتا باسكەتبولدان جانە ستريتۆوركاۋتتان شەبەرلىك سىنىپتارى وتكىزىلەدى، العاش رەت فريستايلەرلەر مەن ۇشاتىن باسكەتبولشى- اكروباتتار ونەر كورسەتەدى.
ايتا كەتەيىك، وسى كۇندەرى جاپپاي كوشە تۋرنيرلەرى، سونىڭ ىشىندە استانا كۋبوگى دا ۇيىمداستىرىلادى، وعان 10 جاستان اسقاندار قاتىسا الادى.
