نەلىكتەن جاپون بالالارى اتا-اناسىنىڭ ايتقانىن تىڭداپ، اقىلدى بولىپ وسەدى

استانا. قازاقپارات - كۇنشىعىس ەلىنە وزگە ەلدەردىڭ قىزىعۋشىلىقپەن قارايتىنى ءسوزسىز.

اسىرەسە، ولاردىڭ ءومىر ءسۇرۋ سالتى، ادامدارىنىڭ مىنەزى كەز كەلگەن ادامدى تاڭ قالدىرماي قويمايدى. ءبىز جاپون بالالارىنىڭ نە سەبەپتى ەركەلىككە بوي الدىرماي، جاسىنان اقىلدى بولىپ وسەتىن ايتىپ وتپەكپىز.

جاپوندار ەرتە زاماننان بالالارىن ماتاعا وراپ، ارقاسىنا بايلاپ قايدا بارسا دا وزىمەن بىرگە الىپ جۇرەدى. ول بالانىڭ كەز كەلگەن سۇراعىنا جاۋاپ بەرەدى. اناسى ءوزىنىڭ نە ىستەپ جاتقانىن، اينالاسىندا بولىپ جاتقان بارلىق پروتسەسستى بالاسىنا ايتىپ وتىرادى. سوندىقتان جاپون بالالارىنىڭ الدىمەن سويلەپ، سوسىن جۇرگەن جاعدايلار كوپتەپ كەزدەسكەن.

ادەتتە انالار 3 جىلعا دەيىن ۇيدە وتىرادى. بالا 3 جاسقا تولعان سوڭ ونى بالا-باقشاعا بەرەدى. ولار بالانى اتا-اجەسىنىڭ قاراۋىنا بەرمەيدى ەكەن.

اتا-انا بالاعا ۇنەمى ۇقىپتى بولۋعا ۇيرەتەدى. ەگەر ونىڭ كولىگى سىنىپ قالسا، وعان ۇرىسپاي جاي عانا «سەن ونى اۋىرتتىڭ» دەيدى.

جاپونداردا بالانىڭ تاربيەسىمەن تەك انالار عانا ەمەس، اكەلەرى دە ات سالىسادى. بالالار اكەنىڭ ماحابباتى مەن قۇشاعىنا ءزارۋ بولادى.

سونىڭ ناتيجەسىندە بالالار اتا-انا تاراپىنان ۇلكەن مەيىرىمدى سەزىنىپ، بالا كەزىنەن ءوز تالاپتارى قالىپتاسىپ، قوعامعا تەز ۇيرەنىسىپ وسەدى.

Stan.kz