اقتوبەدە جەنت قوسىلعان شوكولاد - برەند كونفەت شىعا باستادى

اقتوبە. قازاقپارات - بۇگىن وبلىستىق اكىمدىكتە وبلىس اكىمىنىڭ ورىنباسارى عالي يسقاليەۆ جۋرناليستەردى جاڭا برەند ونىممەن تانىستىردى.

قالا قوناقتارىنا كونفەتتەن ءدام تاتىرۋ جوسپارلانۋدا.

«بارلىق وڭىرلەردە ءوزىنىڭ برەند ونىمدەرى بار، اقتوبەدە ازىرگە جوق. ءبىز وسى كونفەتتى شىعارۋدى شەشتىك. اقتوبەدە تارى وسەدى، سوندىقتان جەنت قوسىلعان شوكولاد جاساماقپىز»، - دەپ اتاپ ءوتتى اكىم ورىنباسارى.

قوراپتا جۇرەك جانە شار پىشىنىندە 16 كونفەت. وعان جاڭعاق پەن مەيىز قوسىلعان ۇلتتىق تاعام - جەنت قوسىلعان.

اقتوبە وبلىسى - جىل سايىن رەكوردتى ءونىم العان بەلگىلى تارىشى شىعاناق بەرسيەۆتىڭ وتانى. 1939-جىلى 25,5 سەنتنەر، 1940-جىلى - 155,8 سەنتنەر، 1941-جىلى - 166 سەنتنەر، 1942-جىلى - 175 سەنتنەر، 1943-جىلى - 201 سەنتنەر تارى الدى. 1940-جىلدان باستاپ بۇل ناتيجە الەمدىك رەكورد رەتىندە تىركەلدى.