كاسىپقوي بوكسشىلار وليمپيادا ويىندارىنا قاتىسا الادى
كونگرەسكە قازاقستاندىق بوكس فەدەراتسياسىنان ق ب ف اتقارۋشى ديرەكتورى ب. بەكتەنوۆ پەن حالىقارالىق بايلانىستار جونىندەگى ۇيلەستىرۋشى دينارا بولاتبەك قىزى قاتىستى. ازيا بوكس كونفەدەراتسياسىنان ونىڭ پرەزيدەنتى سەرىك قوناقبايەۆ قاتىستى.
كەزەكتەن تىس كونگرەسكە قاتىسقان، داۋىس بەرۋ قۇقىعى بار 88 ۇلتتىق فەدەراتسيادان 84 - ونىڭ ىشىندە قازاقستان بوكس فەدەراتسياسى - شەكتەۋدى الىپ تاستاۋعا داۋىس بەردى. 4 فەدەراتسيا قالىس قالدى.
2013-جىلى ەنگىزىلگەن AIBA قاعيداسىنا سايكەس كاسىپقوي بوكسشىلار ولار كەمىندە 15 ايقاس وتكىزگەن جاعدايدا، وليمپيادالىق ويىندارعا قاتىسۋعا قۇقىعى بولعان.
بۇگىن ەنگىزىلگەن تۇزەتۋلەر جاسىنان، تاجىريبەسىنەن، ايقاس سانىنان تىس كەز كەلگەن كاسىبي بوكسشىعا وليمپياداعا قاتىسۋعا مۇمكىندىك بەرەدى.
ۇيىم باسشىسىنىڭ ايتۋىنشا، «AIBA ۇلتتىق فەدەراتسيالار شەكتەۋدى الىپ تاستاۋعا داۋىس بەرۋىن» قولدايدى، ويتكەنى «بۇل AIBA- عا تۇتاستاي بوكستىڭ بارلىق ءتۇرىن (اۋەسقوي عانا ەمەس، كاسىپقوي دا) باسقارۋعا ىقپال ەتەدى.
بۇدان بۇرىن AIBA پرەزيدەنتى چينگ-كۋو ۆۋ اتاپ وتكەندەي، سپورتتىڭ ءار تۇرىندە - ونىڭ ىشىندە تەننيس، باسكەتبول، فۋتبول، جانە ت. ب. - كاسىپقوي سپورتشىلار وليمپيادا ويىندارىنا قاتىسا الادى. دوكتور ۆۋ Olympic Agenda-2020 وليمپيادالىق قوزعالىستى رەفورمالاۋ باعدارلاماسىنا سۇيەندى، وندا وليمپياداعا ەڭ ۇزدىك سپورتشىلار قاتىسۋى قاجەت دەلىنگەن.
كاسىپقوي بوكسشىلاردىڭ ريو-دە-جانەيرودا وتەتىن جارىسقا قاتىسۋى ءۇشىن AIBA ۆەنەسۋەلادا 4-9- شىلدەدە تاعى ءبىر APB/WSB ىرىكتەۋ تۋرنيرىن ۇيىمداستىرىپ، وتكىزۋدى جوسپارلايدى. وندا 2016-جىلعى وليمپياداعا 26 جولداما وينالادى.
