الماتى كوشەلەرىندە كەڭ اۋقىمدى رەيدتەر باستالدى
ول جول-كولىك وقيعالارىنىڭ الدىن الۋ، ولاردى ازايتۋ، جول قوزعالىسى ەرەجەسىن بۇزۋ دەرەكتەرىن انىقتاۋ جانە ولاردى بولدىرماۋعا باعىتتالعان.
«شارا بارىسىندا جەكە قۇرام كۇشەيتىلگەن رەجىمدە جۇمىس ىستەيتىن بولادى. جول قيىلىستارىندا، اۆتوكولىك جولدارىندا جانە ەلدى مەكەندەردىڭ كوشەلەرىندە كەزەكشىلىك ەتەتىن پوليتسيا جاساقتارىنىڭ سانى ارتتىرىلادى. پوليتسيا قىزمەتكەرلەرى اۆتوكولىكپەن جانە جاياۋ شولعىندايتىن بولادى»، - دەدى الماتى قالالىق ءى ءى د جەرگىلىكتى پوليتسيا قىزمەتىنىڭ باستىعى، پوليتسيا پودپولكوۆنيگى جاسۇلان بايكەنوۆ.
شارا اياسىندا جەكە قۇرامنىڭ الدىنا جول قوزعالىسى ەرەجەسىن بۇزۋ دەرەكتەرىن انىقتاۋ جانە بولدىرماۋ، سونداي-اق، ەرەجە تالاپتارىن ەلەڭ قىلمايتىن جۇرگىزۋشىلەردى انىقتاۋ مىندەتى قويىلدى.
«سونىمەن قاتار، نەكە شەرۋىنە قاتىسۋشى اۆتوكولىك جۇرگىزۋشىلەرىنىڭ جول قوزعالىسى ەرەجەسىن بۇزۋ، اۆتوكولىكتەرىنىڭ اينەكتەرىن تۇمشالاپ الۋ، جالعان مەملەكەتتىك ءنومىر جاساپ الۋ، اۆتوكولىكتى وزگەرتىپ جابدىقتاۋ، جالتىلدايتىن شامشىراق ورناتۋ دەرەكتەرىنە جول بەرىلمەيدى»، - دەدى ج. بايكەنوۆ.
ەستەرىڭىزگە سالا كەتەلىك، «قاۋىپسىز جول» جەدەل-الدىن الۋ شاراسى الماتىدا 5 ماۋسىمعا دەيىن سوزىلادى.
اۆتور: ايبوتا جاپپاربەرگەن
