استانادا «ءبىز - ۇلى دالا ەلىنىڭ ۇرپاقتارىمىز!» اتتى گالا-كونسەرت ءوتتى - فوتو
گالا-كونسەرتكە مەملەكەتتىك حاتشى گ. ءابدىقالىقوۆا، ق ر پرەمەر-ءمينيسترىنىڭ ورىنباسارى د. نازاربايەۆا، ءبىلىم جانە عىلىم ۆيتسە-ءمينيسترى ە. سۇحانبەرديەۆا قاتىستى.
كونسەرتكە كەلگەن بالالار مەن ولاردىڭ اتا-انالارىن قۇتتىقتاعان مەملەكەتتىك حاتشى گ. ءابدىقالىقوۆا قازاقستانداعى بالالاردىڭ ەڭ ءبىرىنشى قامقورشىسى ەلباسى نۇرسۇلتان نازاربايەۆ تاۋەلسىزدىك العان العاشقى جىلدارى بالالاردى قورعاۋ تۋرالى كونۆەنتسياعا قول قويعانىن اتاپ ءوتتى.
«بۇدان كەيىن 60 قا جۋىق ءار ءتۇرلى كونۆەنتسيالار قابىلداندى، سونىڭ ىشىندە 15 قۇجات بالالاردىڭ قۇقىعىن قورعاۋعا تىكەلەي بايلانىستى. قازىرگى كەزدە زامانعا ساي كوپتەگەن زاڭدار ازىرلەندى. بالالارعا ارنالىپ عيماراتتا سالىنىپ جاتىر. ءار وبلىستا نازاربايەۆ زياتكەرلىك مەكتەپتەرى اشىلدى. دارىندى بالالارعا ارنالعان مەكتەپتە بار. سپورت كەشەندەرى بوي كوتەرۋدە. بۇنىڭ ءبارى ەلىمىزدەگى تىنىشتىق پەن كەلىسىمنىڭ ناتيجەسى دەپ بىلەمىز»، - دەي كەلە مەملەكەتتىك حاتشى بالالاردى قورعاۋ كۇنى مەرەكە عانا ەمەس، پروبلەمالاردى شەشەتىن كۇن ەكەنىن اتاپ ءوتتى.
«ارينە، بۇل كۇنى ءبىز بالالاردى قۇتتىقتاپ، جەتىستىكتەرىڭىزدى ايتامىز. سونىمەن قاتار، ارينە، بۇل كۇن بالالاردىڭ پروبلەماسىن ايتىپ، مەملەكەتتىڭ، قوعامنىڭ، اتا-انالاردىڭ كوڭىل اۋدارۋىن تالاپ ەتەتىن كۇن دەپ ويلايمىن. بۇگىندە تۇيىتكىلدەر بار، البەتتە. بۇل - مۇمكىندىگى شەكتەۋلى بالالاردىڭ ماسەلەسى. ولاردىڭ سانى 140 مىڭنان اسادى، سونىڭ ىشىندە تەك 60 مىڭعا جۋىعىنىڭ عانا ينكليۋزيۆتى ءبىلىم الۋعا مۇمكىندىگى بار. مەملەكەتتىك ۇيىمداردا جەتىم بالالار تاربيەلەنىپ جاتىر. ارينە، بارلىق بالالاردىڭ اتا-اناسى بولۋى قاجەت. تۇرمىسى ناشار وتباسىلار بار.
ءۇش اۋىسىمدا وقىتاتىن جانە اپاتتىق مەكتەپتەر، بالاباقشالار جەتىسپەۋشىلىگى ماسەلەسى دە جوق ەمەس. وسى تۇيىتكىلدەردى شەشۋىمىز كەرەك»، - دەدى گ. ءابدىقالىقوۆا.
