تەك اناسى عانا تانىپ اجىراتا الاتىن ۇشەمدەر - فوتو

استانا. قازاقپارات - بريتاندىق ۇشەم روما، روان مەن روككونىڭ اناسى بەكي- دجو اللەن پەرزەنتحانادان شىققان سوڭ ونى تاعى ءبىر توسىن سىي كۇتەرىن بىلمەگەن.

وزگەلەر وعان بالالارىنىڭ ءبىر-بىرىنە وتە قاتتى ۇقسايتىنىن، ءتىپتى ولاردى بىرىنەن اجىراتۋ مۇمكىن ەمەستىگىن ءجيى ايتقان.

بۇل تۋرالى bigpicture.ru حابارلايدى.

سوندىقتان ۇشەمنىڭ اناسى دنك ساراپتاماسىن جاساۋدى ءجون كورگەن. ناتيجەسىندە 200 ميلليون ادامدا ءبىر كەزدەسەتىن وقيعاعا تاپ بولعان. ۇشەمدەر گەنەتيكالىق تۇرعىدا بىردەي بولىپ شىققان.

الايدا، اناسى ۇشەمدى وزگەلەر سياقتى ەمەس، ءوزى مەڭى ارقىلى وڭاي اجىراتا الاتىنىن ايتادى.

«مەن ۇشەمدى ومىرگە اكەلەم دەپ ەش ويلاماعام. ءتىپتى ەگىز بولادى دەپ تە كۇتپەدىم. تۇقىمىمىزدا ەگىزدەر جوق. ۇشەمدەر 31 اپتالىعىندا كەسىر تىلىگى ارقىلى ومىرگە كەلدى. روككو 1,5 كەلى، رومان 1,53, اد روان 1,64 كەلى سالماقپەن تۋىلدى»، - دەيدى اناسى.

ۇشەمدەرگە اپتاسىنا 130 جورگەك پەن بالالارعا ارنالعان مايلىقتىڭ 4 قاتتاماسى كەرەك ەكەن. ءسۇت قوسپاسى ەكى كۇنگە جەتەدى. ال، كىر ماشينكاسىن كيىمدەرىن جۋۋ ءۇشىن كۇنىنە ءۇش رەت قولداناتىن كورىنەدى. ونىڭ 28 جاستاعى اكەسى لايام تيرنەي بەكي-دجومەن بىرگە تۇرمايدى. سوندىقتان وعان اپكەسى لورەن كومەكتەسەدى.

گەندىك تۇرعىدا بىردەي بولىپ تۋىلاتىندار انالىق جاسۋشانىڭ ەكىگە بولىنگەنى سەبەبىنەن بولادى. ەگەر اناسىنىڭ قۇرساعىندا جاتقان ەگىزدەردىڭ نە ۇشەمدەردىڭ ءبىر عانا جارعاقشاسى بولسا، ولاردىڭ گەنى بىردەي بولادى.

2014-جىلى پونتيپۋلادا كارەن گيلبەرتتىڭ ءبىر جاسقا تولماعان ۇشەمدەرىن اجىراتۋ ءۇشىن اياعىنىڭ ساۋساعىن كۇن سايىن بوياپ قوياتىنىن بەلگىلى بولعان ەدى.