باسپانا ساتىپ الۋعا ارنالعان نەسيەلەۋ سوڭعى بەس جىلداعى ەڭ تومەنگى كورسەتكىشكە جەتتى
بۇل جونىندە Ranking.kz ساراپتامالىق قىزمەتىنىڭ ماماندارى ايتتى. ولاردىڭ مالىمەتىنشە، ەلىمىزدە يپوتەكا نارىعىن بەس بانك باقىلاپ وتىر.
«يپوتەكا نارىعىن قازىرگى دەڭگەيدە ساقتاپ تۇرۋعا ت ءۇ ق ج ب جانە حالىق بانكى كومەكتەسىپ وتىر. ولار يپوتەكالىق نەسيەلەر پورتفەلىن 2015-جىلى 134,5 ميلليارد تەڭگەگە ۇلعايتتى. سونىمەن قاتار، ت ءۇ ق ج ب 2009-جىلدان باستاپ جىل سايىن وزىنە تيەسىلى كورسەتكىشتى 33 پايىزعا ارتتىرىپ كەلە جاتىر. قازىر يپوتەكا نارىعىنىڭ 33 پايىزى تۇرعىن ءۇي قۇرىلىس جيناعىمەن باقىلانسا، ءبىر جىل بۇرىن بۇل كورسەتكىش 28 پايىز بولدى»، - دەدى ساراپشىلار.
2015-جىلدىڭ قورىتىندىسى بويىنشا ق ر يپوتەكا نارىعىندا ءۇش بانك: ت ءۇ ق ج ب (31 پايىز)، حالىق بانكى (22 پايىز) جانە سەنتركرەديت بانكى (19 پايىز) كوش باستاپ كەلەدى. ءبىر جىل بۇرىن حالىق بانكىنىڭ ورنىندا 175 ميلليارد تەڭگەمەن قازكوم تۇرعان بولاتىن، دەگەنمەن 2015-جىلى بۇل بانكتىڭ نەسيەلەۋ مولشەرى 14 پايىزعا قىسقارىپ قالدى.
سونىمەن قاتار، ولاردىڭ ايتۋىنشا، ت ءۇ ق ج ب يپوتەكالىق سەگمەنتتە نەگىزگى بولىككە يە بولىپ قانا قويماي، جىل بويى تۇرعىن ءۇي قارىزى پورتفەلىندە دە ۇلكەن كورسەتكىش - 76 ميلليارد تەڭگە كورسەتتى. «حالىق بانكىنىڭ دە يپوتەكالىق نەسيە پورتفەلى ءوستى، دەگەنمەن ت ءۇ ق ج ب- دەن 58,5 ميلليارد تەڭگەگە، ياعني 42 پايىزعا از. ال سەنتركرەديت بانكى بەرگەن يپوتەكالىق نەسيە مولشەرى ءبىر جىلدا از عانا ءوستى، ياعني رەنكينگ كوسباسشىلارىنىڭ مولشەرىنىڭ 2,7 ميلليارد تەڭگەسىن قۇرادى. ياعني، 2014-جىلدان 1,7 پايىزعا ءوستى»، - دەدى ساراپشىلار.
