بايقوڭىر قالا كۇنىن مەرەكەلەۋگە ازىرلەنۋدە - فوتو
قالا جانە عارىش ايلاعى كۇنى - جەرگىلىكتى تۇرعىنداردىڭ باستى مەرەكەلەرىنىڭ ءبىرى.
ءداستۇرلى تۇردە مەرەكەلىك كۇن ەسكە الۋ جيىنىنان باستالادى. 2- ماۋسىم تاڭەرتەڭ بايقوڭىر تۇرعىندارى مەن قوناقتارى س. پ كوروليەۆ ەسكەرتكىشىنە جانە قازا تاپقان عارىشقا العاش ۇشقان ۇشقىشتار مەموريالىنا گۇل شوقتارىن قويادى.
قالالىق اكىمشىلىك باسپا ءسوز قىزمەتىنىڭ اقپاراتىنا سايكەس، بايقوڭىردىڭ 61 جىلدىعى قارساڭىندا جاڭا الەۋمەتتىك نىساندار اشىلادى. قالالىقتار ءۇشىن ءومىر قيىندىعىنا تاپ بولعان كامەلەتتىك جاسقا جەتپەگەن جاسوسپىرىمدەرگە ارنالعان «ۆيكينگ» فيتنەس- كلۋبى اشىلدى. الەۋمەتتىك پاتەرلەر كىلتى تابىس ەتىلەدى.
مەرەكە قۇرمەتىنە قالالىق مادەنيەت سارايىندا سالتاناتتى جيىن ءوتىپ، ارتى مەرەكەلىك كونسەرتكە ۇلاسادى. سالتاناتتى جيىندا «بايقوڭىر قالاسىنىڭ قۇرمەتتى ازاماتى» اتاعىن بەرۋ ءراسىمى وتەدى.
قالانىڭ قوعامدىق ءوزىن-ءوزى باسقارۋ كەڭەسىنىڭ شەشىمىمەن ۇسىنىلعان التى كانديداتۋرانىڭ ىشىنەن ەكى ادام وسى اتاققا لايىق دەپ تانىلدى، دەپ اتاپ ءوتتى قالالىق اكىمشىلىك باسپا ءسوز قىزمەتى.
بايقوڭىردىڭ تۋعان كۇنىن مەرەكەلەۋ سەنبى، 4- ماۋسىمدا وتەدى. بۇل كۇنى قالالىق مادەنيەت جانە دەمالىس سارايىندا قالا كۇنى مەن بالالاردى قورعاۋ كۇنىنە ارنالعان مادەني-بۇقارالىق شارالار وتەدى.
