جەزقازعاندىق وقۋشى ا ق ش- تىڭ اتاقتى ۋنيۆەرسيتەتىنىڭ گرانتىن جەڭىپ الدى
سۇلتان بيىل پەتروپاۆل قالاسىندا وتكەن جالپى ءبىلىم بەرەتىن پاندەردەن رەسپۋبليكالىق وليمپيادادا ءوزىنىڭ تەرەڭ ءبىلىمىنىڭ ارقاسىندا اعىلشىن تىلىنەن I- ورىندى جەڭىپ الىپ، التىن مەدالدى قانجىعاسىنا بايلادى.
وقۋشى سونداي-اق الەمدەگى ەڭ ۇزدىك 15 جوعارعى وقۋ ورىندارىنىڭ قاتارىنا ەنەتىن سينگاپۋر ۇلتتىق ۋنيۆەرسيتەتىمەن ا ق ش- تىڭ Yale ۋنيۆەرسيتەتى بىرىگىپ اشقان جاڭا YaleNUS College وقۋ ورنى ۇيىمداستىرعان اعىلشىن ءتىلى سىناعىنان جوعارعى كورسەتكىشكە قول جەتكىزىپ، اتالمىش وقۋ ورنىنا تەگىن وقۋعا قابىلداندى.
ول ا ق ش مەكتەپ بىتىرۋشىلەرىنىڭ ءبىلىم دەڭگەيى مەن سىني تۇرعىدان ويلاۋ قابىلەتىن انىقتاۋ ماقساتىندا وتكىزىلەتىن 2400 بالدىق جۇيەنى قۇرايتىن SAT ەمتيحانىنا قاتىسىپ، 2150 بالعا يە بولسا، IELTS ەمتيحانىندا ەڭ جوعارعى توعىز ۇپايدان سەگىز ۇپايعا قول جەتكىزدى.
سۇلتان - «التىن بەلگى» ءتوس بەلگىسىنە ۇمىتكەر. وسى ۋاقىتتا «التىن بەلگىنى» اقتاپ شىعۋ ءۇشىن دايىندالىپ جاتىر.
Nur.kz
