16:33, 01 - ماۋسىم 2016 | GMT +6
اقتوبە وبلىسىندا بالىقشىعا جاي ءتۇسىپ، كوز جۇمدى
اقتوبە. قازاقپارات - اقتوبە وبلىسىندا بالىقشىعا نايزاعاي ءتۇسىپ، قازا تاپتى.
29- مامىر كەشكە شالقار قالاسىنان ەكى دوس كولگە بالىق اۋلاۋعا شىققان. قايىقپەن سۋ قويماسىنىڭ ورتاسىنا دەيىن بارعان. سول كۇنى اۋا رايى قاتتى ىستىق بولعانمەن، اياق استىنان كۇن قۇبىلا باستادى: جەل كوتەرىلىپ، قايىققا جاي ءتۇستى.
«قايىق اۋدارىلىپ كەتكەن، ولاردىڭ بىرەۋى جاعالاۋعا ءجۇزىپ شىعىپ، پوليتسيا شاقىرعان. ەكىنشى 24 جاستاعى ەرسۇلتان تيمۋروۆتىڭ مۇردەسى ءبىر جارىم ساعاتتان كەيىن 5 مەتر تەرەڭدىكتەن تابىلدى»، - دەپ حابارلادى شالقار اۋدانى اكىمىنىڭ ورىنباسارى ەلەمەس شوتانوۆ.
قازا تاپقان ەر ادام دەنە شىنىقتىرۋ مۇعالىمى بولعان.
