بالالارىمىز سوعىس پەن لاڭكەستىكتىڭ نە ەكەنىن كورمەي ءوسسىن - مەملەكەتتىك حاتشى - فوتو
حالىقارالىق بالالاردى قورعاۋ كۇنىنە ارنالعان باعدارلاما ساياباققا كەلگەن بالالارعا تاماشا كوڭىل-كۇي سىيلادى.
جالپى، قازاقستان بالالاردىڭ الەۋمەتتىك قامتىلۋىنا ۇنەمى ەرەكشە كوڭىل بولەدى. بالاباقشا مەن مەكتەپ سالۋ - ەل ساياساتىنىڭ باستى باعىتى بولسا، ءتۇرلى قايىرىمدىلىق قورلارى مەن قوعامدىق ۇيىمدار بالالارعا ارنالعان جوبالاردى جۇزەگە اسىرادى. جالعىز استانانىڭ ءوزىن الساق، 35 مىڭنان اسا ءبۇلدىرشىن بالاباقشامەن قامتىلعان، 117 مىڭنان اسا بالا ءبىلىم الۋدا.
«قازاقستاننىڭ بارلىق ءبۇلدىرشىندى بالالار كۇنىمەن قۇتتىقتايمىن. اسپاندارىڭ اشىق بولسىن. بالالارىمىز سوعىس پەن لاڭكەستىكتىڭ نە ەكەنىن كورمەي ءوسسىن. جۇزدەرىنەن كۇلكى كەتپەسىن»، - دەدى گ. ءابدىقالىقوۆا.
استانانىڭ ورتالىق ساياباعىندا ەرتەگى كەيىپكەرلەرىنىڭ كيىمىن كيگەن اكتەرلار بالالاردىڭ كوڭىلىن كوتەرىپ ءجۇر. ارنايى كونسەرت تە قويدى. ساياباق ىشىندە بالالار سالعان سۋرەتتەردىڭ كورمەسى، قولونەر شەبەرلەرىنىڭ جارمەڭكەسى ءوتىپ جاتىر. ۇل بالالار فۋتبول تەۋىپ، قىزدار اسفالتقا سۋرەت سالدى. جالپى، شارانىڭ ماقساتى - كانيكۋل كەزىندە بالالاردى سپورت پەن قولونەرگە باۋلۋ.
