15:31, 01 - ماۋسىم 2016 | GMT +5
قازاق سكريپكاشى نيۋ-يوركتەگى مۋزىكالىق بايقاۋدا جەڭىسكە جەتتى
الماتى. قازاقپارات - 31- مامىردا نيۋ-يوركتە ءبىرىنشى مانحەتتەن مۋزىكالىق بايقاۋى اياقتالدى.
وندا ءبىزدىڭ جەرلەسىمىز ەرجان قۇلىبايەۆ باستى سىيلىقتاردىڭ ءبىرىن الدى.
بايقاۋ فورتەپيانو، ۆوكال جانە ىشەكتى اسپاپتار اتالىمدارى بويىنشا ءوتتى. قاتىسۋشىلار ۆيدەوجازبالار جىبەرگەن. بايقاۋداعى قازىلار القاسىنىڭ ءتوراعاسى اتاقتى پيانينوشى يۆو پوگورەليچ بولدى.
«ىشەكتى اسپاپتار» اتالىمىندا باس جۇلدەگە وتانداسىمىز، سكريپكاشى ەرجان قۇلىبايەۆ يە بولدى.
«نيۋ-يوركتە ءبىرىنشى مانحەتتەن مۋزىكالىق بايقاۋىندا ءبىرىنشى سىيلىققا يە بولدىم!»، - دەپ جازدى ارتيست فەيسبۋكتەگى پاراقشاسىندا.
ەرجان قۇلىبايەۆ - بۋەنوس- ايرەس، ليسسابون، بەرلين، نوۆوسىبىر جانە ەكاتەرينبۋرگتەگى حالىقارالىق بايقاۋلاردىڭ التى ءبىرىنشى سىيلىعىنىڭ يەگەرى. پوزنانداعى گەنريك ۆەنياۆسكي اتىنداعى سكريپكاشىلار بايقاۋىنىڭ لاۋرەاتى.
