رەسەيدە قيىر شىعىستا جەردى تەگىن تاراتا باستادى
بۇل مۇمكىندىكتى ءبىرىنشى بولىپ قيىر شىعىس فەدەرالدىق وكرۋگىنىڭ تۇرعىندارى پايدالانا الادى، دەپ حابارلادى ر ب ك.
2 -مامىردا رەسەي پرەزيدەنتى ۆلاديمير پۋتين قول قويعان «قيىرشىعىستىق گەكتار» تۋرالى زاڭ 1 -ماۋسىمدا زاڭدى كۇشىنە ەندى. بۇل زاڭعا سايكەس، رەسەي ازاماتى قيىر شىعىستاعى مەملەكەتتىك نەمەسە مۋنيتسيپالدىق يەلىكتەگى 1 گەكتار جەردى تەگىن الا الادى.
تەگىن گەكتاردى ياكۋتيا، كامچاتكا، پريمورە جانە حاباروۆسك ولكەلەرىندە، امۋر، ماگادان جانە ساحالين وبلىستارىندا، ەۆرەي اۆتونوميالىق وبلىسىندا، سونىمەن قاتار چۋكوتكادا الۋعا بولادى.
جەر ۋچاسكەسىن ءوز بەتىمەن نادالنيۆوستوك. ر ف سايتىنان تاڭداۋعا بولادى. بۇل ءۇشىن پورتالدا الدىن الا تىركەلۋ كەرەك.
ۋچاسكە 5 جىل پايدالانۋعا تەگىن بەرىلەدى. كەيىن ونى جالعا الۋعا نەمەسە جەكە مەنشىك رەتىندە الۋعا بولادى. جەردى پايدالانباعان جاعدايدا ول قايتارىلىپ الىنادى. قۇجاتقا سايكەس، شارتتاعى تاراپتاردىڭ ءبىرى شەتەلدىك، ازاماتتىعى جوق نەمەسە كاپيتالىندا ولاردىڭ ۇلەسى نەمەسە شەتەلدىك كومپانيالاردىڭ ۇلەسى بار زاڭدى تۇلعا بولعان جاعدايدا «قيىرشىعىستىق گەكتاردى» ساتىپ الۋعا- ساتۋعا جانە جالعا الۋعا بولمايدى.
پريمورە ولكەسىنىڭ گۋبەرناتورى ۆلاديمير ميكلۋشيەۆسكي اتاپ وتكەندەي، 1 -ماۋسىمنان قيىر شىعىس فەدەرالدىق وكرۋگىنىڭ اۋداندارىندا ىلكى جوبا تۇرىندە جۇزەگە اسىرىلا باستايدى. ونداعى جەردى، ازىرگە، ايماق تۇرعىندارى عانا الا الادى.
«1 -قازاننان باعدارلاما كەڭەيتىلەدى جانە قيىر شىعىستىڭ كەز- كەلگەن تۇرعىنى 1 گەكتار جەردى كەز كەلگەن سۋبەكتى مەن مۋنيتسيپاليتەتتەن الا الادى. ال 2017 -جىلدىڭ 1 -اقپانىنان بۇل باعدارلامانىڭ مۇمكىندىگىن رەسەي فەدەراتسياسىنىڭ بارلىق تۇرعىندارى پايدالانا الادى»، - دەدى ميكلۋشيەۆسكي.
