جاپونيادا اجىراسقان ايەلدەرگە جارتى جىل تۇرمىسقا شىعۋىنا تىيىم سالاتىن زاڭ وزگەرتىلدى

استانا. قازاقپارات - اجىراسقان جاپون ايەلدەرىنە جارتى جىل بويىنا تۇرمىسقا شىعۋىنا تىيىم سالاتىن زاڭعا سارسەنبى كۇنى وزگەرىس ەنگىزىلگەن.

ەندى زاڭ بويىنشا اجىراسقان ايەل دارىگەردەن جۇكتى ەمەس ەكەنىن راستايتىن قاعاز الىپ كەلسە 100 كۇننەن كەيىن تۇرمىسقا شىعۋىنا بولادى.

بۇل تۋرالى قازاقستان جاڭالىقتارى جازدى.

جاپون پارلامەنتىنىڭ جوعارعى پالاتاسى 1898 -جىلى قابىلدانعان زاڭعا وسىلايشا وزگەرىس ەنگىزدى. پارلامەنتتەگى تالقىلاۋ جەلى ارقىلى ونلاين تاراتىلدى.

وتكەن عاسىردا قابىلدانعان زاڭ جاپونيادا وسى كۇنگە دەيىن قولدانىستا ەدى. ول زاڭنىڭ نەگىزگى ماقساتى، ايەل اجىراسقاننان كەيىن جارتى جىل ارالىعىندا بوسانىپ قالسا، ونىڭ اكەسىنە قاتىستى داۋ تۋدىرماۋ.

ەندى جاڭادان قابىلدانعان زاڭ بويىنشا جاپون ايەلدەرى اجىراسقاننان كەيىن جۇكتى ەمەستىگىن راستايتىن دارىگەردىڭ قاعازىن الىپ، ءجۇز كۇننەن كەيىن جاڭا وتباسىن زاڭداستىرا الادى.

وتكەن جىلدىڭ جەلتوقسان ايىندا جاپونيا سوتى بۇل زاڭنىڭ كونستيتۋتسياعا قارسى ەكەنىن انىقتاعان. مىسالى، ايەلدىڭ ەكىنشى كۇيەۋى نەكەسىن بىردەن زاڭداستىرماعانى ءۇشىن ءوز پەرزەنتىن ايەلىنىڭ بۇرنعى كۇيەۋىنىڭ اتىنا جازعان. ال بالانىڭ بيولوگيالىق اكەسى ءوز قۇجاتىندا تەك اسىراپ الۋشى ەسەبىندە بولىپ كەلگەن.