بەكبولات تىلەۋحان مەكتەپ وقۋلىقتارىن قوجاناسىردىڭ حاتىنا تەڭەدى

استانا. قازاقپارات - قازىرگى كىتاپتاردىڭ مازمۇنىن بالالارى تۇگىلى، ءماجىلىس دەپۋتاتىنىڭ ءوزى تۇسىنە الماي قينالىپ ءجۇر ەكەن.

وتاندىق وقۋلىقتاردى بەكبولات تىلەۋحان سىنعا الدى، -  دەپ حابارلايدى "ك ت ك" ارناسى.

«ءبىزدىڭ ۇيدە جاعداي قيىن. ويتكەنى مەنىڭ 3 بالام مەكتەپتە وقيدى. مەن مەكتەپتى مەدالمەن بىتىرگەنمىن. پوليتەحنيكالىق ينستيتۋتتى بىتىرگەن ادام رەتىندە كىتاپتى تۇسىنە المايمىن. وقۋلىق قوجاناسىردىڭ حاتى سياقتى. ءبىز كوز الدىمىزدا ۇرپاقتى مۇگەدەك قىلىپ جاتىرمىز. كەز-كەلگەن وقۋلىقتى اشساڭىز، قاتە ءورىپ ءجۇر. وقۋلىق ەشقانداي سىن كوتەرمەيدى»، -  دەيدى ءماجىلىس دەپۋتاتى بەكبولات تىلەۋحان.

ماجىلىسمەن بالالارىن قىرۋار قارجىعا رەپەتيتور جالداپ وقىتىپ ءجۇر ەكەن. ال مۇنداي ارتىق شىعىنعا اقشاسى جوقتار نە ىستەيدى دەپ سۇرادى ءبىلىم مينيسترىنەن. سوندىقتان ەرلان ساعاديەۆتەن ەلىمىزدەگى وقۋلىق دايىنداۋ جۇيەسىن تۇبەگەيلى وزگەرتۋدى تالاپ ەتتى. دەپۋتاتتىڭ ايتۋىنشا، كىتاپ باسىپ شىعارۋ ىسىنە كاسىپكەرلەردى مۇلدەم جولاتپاۋ كەرەك. ويتكەنى، بيزنەسمەندەر اقشا تابۋدى عانا كوزدەپ، وقۋلىقتىڭ ساپاسىنا سالعىرت قارايدى.

ياعني، مەكتەپتەگى كىتاپتاردى عالىمدار جازىپ، ونىڭ ىشكى مازمۇنىنا ءبىلىم جانە عىلىم مينيسترلىگى تىكەلەي جاۋاپ بەرسىن دەدى دەپۋتات. سونداي-اق، تىلەۋحان مۇعالىمدەردىڭ دە دەڭگەيى وتە تومەن بولعاندىقتان مەكتەپتەردە ءبىلىم بەرۋگە ەمەس، ءتۇرلى كونسەرت، كيىم تىگىپ كيۋ، قىزداردىڭ شاشىن ساندەۋ سىندى پايداسىز دۇنيەلەرمەن ۋاقىت وتكىزىپ جاتقانىن ايتىپ سالدى.