ون بەس جاستاعى قىز ەكىنشى رەت انا اتاندى
جاستىعىنا قاراماستان ول ەكى بالانىڭ اناسى. سوندىقتان زاڭ بويىنشا وعان 450 مىڭ رۋبل بەرىلۋى كەرەك. الايدا، ناتاليا ونى تەك كامىلەت جاسىنا تولعان سوڭ عانا پايدالانا الادى.
ناتاليانىڭ ۇلكەن ۇلى ارتەم 1 جارىم جاستان اسقان. ونىڭ اكەسىمەن ناتاليا الەۋمەتتىك جەلى ارقىلى تانىسقان. جىگىت ونىمەن ءبىرىنشى بولىپ تانىسىپ، ونى كەزدەسۋگە شاقىرعان. ءبىر اپتا وتكەن سوڭ ولار بىرگە تۇرا باستايدى. ءسويتىپ جۇرگەندە ناتاليا جۇكتى بولىپ، بوسانار كەزدە دارىگەرلەر بۇل تۋرالى پوليتسەيلەرگە حابارلاعان. بالانىڭ اكەسى قاماۋعا الىنعان.
«پەرزەنتحانادا جاتقاندا ساشامەن تانىستىم. ول ۆاحتالىق جۇمىس ىستەيتىن. ءبىز ونىمەن حات جازىسىپ تۇردىق. ول مەنەن سۋرەتىمدى جىبەرۋىمدى سۇرادى. مەن جۇكتى كەزىمدەگى سۋرەتىمدى جىبەردىم. ول مەنىڭ جاسىمدى سۇراپ، تاڭ قالدى. كەيىننەن ماعان كەلەتىنىن، كومەكتەسەتىنىن ايتتى»، - دەپ ەسكە الادى ناتاليا.
الەكساندر شىنىندا دا پەرزەنتحاناعا كەلىپ، نارەستەگە جورگەكتەر الىپ كەلگەن. ولار وتباسى بولۋدى جوسپارلاپ، ءبىراز ۋاقىتتان سوڭ بالالى بولۋدى قالاعان. الايدا، ولاردىڭ جوسپارى ەرتە ورىندالىپ، ناتاليا ەكىنشى رەت جۇكتى بولىپ قالعان. قىز الەكساندردىڭ بوستاندىقتا قالۋىن سۇراعانىمەن ولاردىڭ قىزى ومىرگە كەلگەننەن كەيىن الەكساندر 3 جارىم جىلعا باس بوستاندىعىنان ايىرىلدى. ناتاليا ەكى بالاسىن دا الەكساندردىڭ اتىنا جازدىرعان.
اكەسى جازاسىن وتەگەنشە جاس انا كەشكىلىك مەكتەپتىڭ 9-سىنىبىندا وقىپ جاتىر.
وتكەن جىلى ناتاليا بالالار مەن وتباسىلارعا الەۋمەتتىك كومەك كورسەتۋ ورتالىعىندا تۇرعان. ول جەردەگىلەر بالالاردىڭ قۇجاتىن راسىمدەپ ەرۋگە كومەكتەسكەن. ال، قازىر ول كامىلەتتىك جاسقا تولعانشا پاتەر جالداپ تۇرماق.
«مەن قازىر 453 مىڭ رۋبل اقشا الدىم. ءبىراق ونى 18 جاسقا تولعانشا پايدالانا المايمىن. بۇل اقشا ماعان باسپانا الۋعا كەرەك»، - دەيدى ناتاليا.
Stan.kz
