قىتايدا ەڭ ۇزىن شىنى كوپىر سالىندى

استانا. قازاقپارات - قىتايدا الەمدەگى ەڭ ۇزىن شىنى كوپىر قۇرىلىسى اياقتالدى.

393 مەترلىك كوپىر ۇلتتىق چجانتسزياتسزە (پروۆينتسيا حۋنان پروۆينتسياسى) ساياباعىندا جەردەن 300 مەتر بيىكتىكتە ورنالاسقان. ەنى - 6 مەتر. روسبالت حابارلاعانداي، كوپىر 1- مامىردا اشىلۋ كەرەك بولاتىن. الايدا قۇرىلىس جۇمىسى سوزىلىپ كەتتى. كەلۋشىلەر ءۇشىن ول شىلدەدە اشىلادى دەپ كۇتىلۋدە. قازىر وڭىردە نوسەر جاۋىن جاۋۋدا.

بۇدان بۇرىن قۇرىلىسشىلار كوپىردىڭ شىنى جامىلعىسى قاۋىپسىزدىككە سىناقتى 100 رەتكە جۋىق وتكەنىن مالىمدەدى. كوپىر 800 ادامنىڭ سالماعىن كوتەرە الادى. كوپىردىڭ اۋا تەمپەراتۋراسىنىڭ وزگەرىسىنە، جەل سوققان كەزدەگى ورنىقتىلىعىنا قوسىمشا تەستتەر جۇرگىزىلدى.

بۇل جەردىڭ تابيعاتى كوز تارتارلىق كوركىمەن ەرەكشە.