بايقوڭىردا عيماراتتاردى جالعا الۋ قۇنى ەكى ەسە ءوستى
بۇل قاۋلىعا قالا اكىمشىلىگىنىڭ باسشىسى اناتولي پەترەنكو قول قويدى. شەشىم 2016-جىلدىڭ 1- ماۋسىمىندا كۇشىنە ەنەدى.
قۇجاتقا سايكەس، ەندى ءبىر شارشى مەترىنىڭ جىلدىق قوسالقى جالگەرلىك قۇنىنىڭ بازالىق مولشەرلەمەسى - 250 رۋبل. ال 2015-جىلدىڭ 1- ساۋىرىنە دەيىنگى بازالىق مولشەرلەمەسى شارشىسىنا 112 رۋبل 53 تيىن ەدى. بۇل قاۋلى بيۋدجەت قاراجاتىن قولدانۋدىڭ تيىمدىلىگىن كوتەرۋ جانە بايقوڭىر بيۋدجەتىنىڭ سالىق جانە سالىق ەمەس جولداردان تۇسەتىن تابىسىن كوبەيتۋ بويىنشا شارالار جوسپارىنا سايكەس قابىلدانعان.
وسىعان دەيىن 2016-جىلى 2050-جىلعا دەيىن رەسەي جالداپ وتىرعان «بايقوڭىر» عارىش ايلاعى تەرريتورياسىنىڭ ءبىر بولىگىنىڭ قازاقستاننىڭ مەنشىگىنە وتەتىنى حابارلانعان بولاتىن. جەر تەلىمىنىڭ جالپى كولەمى - 11,6 مىڭ گەكتار. جالدان شىعارىلاتىن جەردە ينفراقۇرىلىم نىساندارى عانا ەمەس، جۇمىسشى ورنىن كوبەيتۋ ماقساتىندا وندىرىستەردىڭ اشىلاتىنى حابارلاندى.
ەسكە سالايىق، رەسەي «بايقوڭىر» عارىش ايلاعى مەن بايقوڭىر قالاسىن 2050-جىلعا دەيىن جىل سايىن 115 ميلليون دوللار تولەپ، جالعا الىپ وتىر.
