قاراعاندىدا توعىز جىل بۇرىن جوعالىپ كەتكەن ەر ادام توسىننان تابىلدى
مەيىرجان قالياقپاروۆ 2007 -جىلدىڭ ساۋىرىندە جوعالىپ كەتكەن. سول ۋاقىتتا 26 جاستا بولعان ول اقتاۋ اۋىلىنداعى سەمەنت زاۋىتىنا قاراستى كۇزەت كومپانياسىندا جۇمىس ىستەيدى. العاشىندا اتا-اناسى بالاسىن ىزدەستىرىپ، «بارمىسىڭ، باۋرىم؟» جانە «جدي مەنيا. قازاقستان» باعدارلامالارىنا بەرەدى. دەگەنمەن پوليتسەيلەر مەيىرجان تابىلماعاننان كەيىن ونى ءىز- ءتۇسسىز جوعالىپ كەتكەندەر قاتارىنا قوسادى.
ءبىراز جىل وتكەننەن كەيىن توسىننان جاقسى جاعداي بولادى. مەيىرجاننىڭ سىنىپتاستارى مەكتەپ كەزدەرىن ەسكە الۋ ءۇشىن جينالۋدى ۇيعارادى. دوستارىنىڭ ءبىرى مەيىرجاننىڭ جوعالىپ كەتكەنىن ەستىپ، قاتتى تاڭعالعان. ول ونى جاقىندا عانا تەمىرتاۋداعى فيرمالاردىڭ بىرىنەن كورگەنىن ايتادى.
مەيىرجاننىڭ اتا-اناسى كورسەتىلگەن مەكەنجايعا بارىپ، بالالارىن تاۋىپ الدى. جاس جىگىت سول كوكتەمدە اياق استىنان ەسىن جوعالىتقان ەكەن. ەر ادام ءوزىنىڭ تۋعان اناسىن دا تانىعان جوق.
مەيىرجان سوڭعى جىلدارىن قالاي وتكىزگەنىن ايتۋدان باس تارتتى. اناسى وعان بارلىق جاعدايدى جاساۋعا تىرىسىپ جاتىر. قازىر ول ەم الىپ ءجۇر.
